तिहार : फेरिँदै देउसीभैलोको स्वरूप
कात्तिक १७, २०८१ शनिबार
ओली, प्रचण्ड र उपेन्द्र : श्री ३ को सरकार !
पहिले देशमा रामराज्य थियो । नागरिकको हरेक पीर, मर्का बुझ्ने सरकार थियो । सरकारले कतै केहीमा पनि कर लिँदैनथ्यो । हत्या, हिंसा, बलात्कारजस्ता आपराधिक घटना गराउने छुट कसैलाई थिएन । त्यस्तो अपराध भैहाल्यो भने अपराधी उतिखेरै समातिन्थ्यो र सिधै खोरमा जाकिन्थ्यो ।
घरघरमा पानी, निःशुल्क इन्टरनेट, बिरामीलाई निःशुल्क स्वास्थ्य जाँच र उपचार, सबैलाई सुलभ शिक्षा, उच्च शिक्षा पढ्ने बित्तिकै जागिर ! पहिलेको सरकार हुँदा मुलुकमा के मात्रै थिएन ! न बजारमा अभाव थियो, न कुनै सामानले महंगो हुने मौका पाउँथ्यो । दुःखी र गरिब त कोही पनि थिएनन् । भ्रष्टाचार कुन चराको नाम हो भन्ने कुरा आम नागरिकलाई थाहै थिएन । सत्ताको नेतृत्व गर्ने कांग्रेसका नेताहरु भ्रष्टाचारीको नामै सुन्न चाहँदैन थिए । नेतृत्व नै असल भएपछि इन्द्रेको बाउ चन्द्रेले पनि भ्रष्टाचार गर्न आँट गर्दैनथियो ।
अधिनायकवादी सरकारले एकपछि अर्को दम्भ देखाउँदैछ । मन्त्रिपरिषद बैठकमा कागजको सट्टा म्याकबुक प्रयोग गर्न थाले रे ! देशमा उत्पादन हुने लोक्ता वा नेपाली कागजको प्रयोग नगरेर सरकारले सरासर राष्ट्रहित विपरीतको काम गर्दैछ । कागज जस्तो म्याकबुक कहाँ हुन्छ ?
सरकारको अघिल्तिर भ्रष्टाचारी र अपराधी मात्र होइन, बाढी, पहिरोजस्ता प्रकोप पनि डराउँथे । न बाढी आउँथ्यो, न पहिरो खस्थ्यो । पहिरो, बाढी र अरु विपत्ति पनि सरकारको नाम सम्झेर थुरुरु काँप्थे । झुक्किएर विपत्ति आइहाल्यो भने पनि पीडितले उतिखेरै राहत पाउँथे । कसैले कतै गुनासो गर्न पर्देनथ्यो, राहत तत्काल पीडित खोज्दै आफै पीडितका घर घर पुग्थ्यो । न सडकमा खाल्डा हुन्थ्यो, न धुलो र हिलो । सबै सुखी थिए, सबैतिर समृद्धि थियो ।
यो त भयो रामराज्यको कुरा, जतिबेलासम्म कांग्रेस सत्तामा थियो । अहिले देशमा रामराज्य छैन । राम नाम भएका एकजना मान्छे मात्र सरकारमा छन्, रामबहादुर थापा । त्यसमा पनि बादल झुण्डिएका । रामले केही गर्न खोज्यो कि बादलले छेक्न खोजिहाल्ने । त्यसैले पछिल्तिर बादल भएका राम र उनका हनुमानले मात्र नागरिकलाई रामराज्य दिन सक्ने कुरो भएन, त्यसैले अहिले रामराज्यको कुनै छाँटकाँट छैन । नाममा राम भएका अरु रामचन्द्र, रामवरण, रामशरण मात्र होइन, बाबुराम पनि बाहिर छन् । यति धेरै रामहरु बाहिर भएपछि देशमा कसरी रामराज्य हुन्छ ? हुनै सक्दैन, त्यसैले बेथिति छ ।
देशमा रामराज्य बन्न नदिने अहिलेको सरकार अधिनायकवादी छ, सर्वसत्तावादी छ । अहिले सरकारको नेतृत्व गर्नेहरुले चुनावदेखि नै सर्वसत्तावाद लाद्न खोजेका हुन् । चुनावमा तालमेल गरेर जित्ने ? चुनावपछि पार्टी एकता गरेर एकलौटी सरकार चलाउने ? अनि मधेसवादी दललाई पनि बटुलेर दुई तिहाईको सरकार बनाउने ? एक दुई वर्षमा विपक्षीलाई पालो समेत नदिनेगरी पाँच वर्षसम्म एकलौटी सरकार चलाउन खोज्ने ? ५-५ वर्षसम्म उनीहरु मात्रै झण्डा हल्लाएर हिँड्ने ? वर्षौसम्म एकलौटी सासन गर्न खोजेपछि त्यो सर्वसत्तावाद हुन्छ । सर्वसत्तावाद रामराज्यको विपरीत हुन्छ । रामराज्यको विपरीत गएका सत्तावालहरुले अहिले सपना बाँडेर अधिनायकवाद सुरु गरेका छन् ।
रेल र पानीजहाजको सपना बाँड्ने ? बन्द, हडताल, जुलुस गर्न नदिने ? अलिअलि चर्कन थालेको आन्दोलन पनि मत्थर पार्नेगरी डाक्टरलाई रातारात जुस खुवाउने ? सुखी र समृद्धि भन्ने, गर्न चाहिँ केही नगर्ने ? जाबो मार्कसिट र जन्ममितिमा अल्झिएर प्रधानन्यायाधीश हुन लागेका मान्छेको बाटो रोक्ने ? दुई तिहाईले निर्णय गर्न खोज्ने ? यो सबै सर्वसत्तावादी र अधिनायकवादी सोचको उपज हो ।
दुई तिहाईको सरकारले आफूखुशी मात्रै निर्णय गर्न कहाँ पाइन्छ ? समाजमा अल्पसंख्यकको पनि कुरा सुन्नुपर्छ । चुनाव जितेर, एकता गरेर, दुई तिहाईको सरकार बनाएर ओली र प्रचण्डले अधिनायकवाद ल्याएकै हुन् । यिनीहरुको विरोध गर्नु कांग्रेस सहितका विपक्षीको नैसर्गिक अधिकार हो ।
अधिनायकवादी सरकारले एकपछि अर्को दम्भ देखाउँदैछ । मन्त्रिपरिषद बैठकमा कागजको सट्टा म्याकबुक प्रयोग गर्न थाले रे ! देशमा उत्पादन हुने लोक्ता वा नेपाली कागजको प्रयोग नगरेर सरकारले सरासर राष्ट्रहित विपरीतको काम गर्दैछ । कागज जस्तो म्याकबुक कहाँ हुन्छ ? कागजमा लेखिसकेपछि त डस्टबिनमा फाल्न मिल्छ । तर त्यति महंगो म्याकबुक फाल्न पनि मिलेन । अर्कोपटक म्याकबुक खोल्दा अघिल्लोपटक गरेको निर्णयमा आँखा पुग्छ । आँखा पुगेपछि त्यो निर्णय कार्यान्वयन गर्न मन लाग्ला । निर्णय गर्ने, तर कार्यान्वयन नगर्ने परम्परा तोड्न कहाँ पाइन्छ ?
त्यसमाथि अहिलेका प्रधानमन्त्रीको गतिविधि नै शंकास्पद छ । उनी नियमित रुपमा मानिसहरुसँग भेटघाट गर्ने, कसले के भनिरहेको छ वा गरिरहेको छ भन्ने कुराको जानकारी राख्छन् । सूचनाका लागि मोबाइललगायतका ग्याजेट, सामाजिक सञ्जाल र मिडियाको प्रयोग गर्छन् । सूचना उपयोगको विषयमा चाहिनेभन्दा धेरै चनाखो भएका छन् । सबैतिरका सूचना र जानकारी लिन खोज्नु त जासुसीको काम पो भयो । उनको यही शैलीले देशमा अधिनायकवाद भित्रिएको हो ।
त्यसैले अहिले रामराज्य नभएर ओलीराज छ । ओली, प्रचण्ड र उपेन्द्र यादव सँगै भएपछि श्री ३ को सरकार भयो । श्री ५ को भन्दा श्री ३ को सरकार झन् बढी खतरा हुन्छ भन्ने सबैलाई थाहा छ । तर सबैथोक भएर पनि सरकार केही गर्न आँट गर्दैन । पहिलेको आधा तिहाई र अहिलेको दुई तिहाईमा केही फरक छैन ।
भन्नलाई दुई तिहाईको सरकार भनेर दम्भ गर्छ, तर सानोतिनो कुरामा पनि प्रतिपक्षको सहमति पर्खेर बस्छ । प्रतिपक्षी देखेर तर्सिन्छ । यस्तो पनि दुई तिहाईको सरकार हुन्छ ? एक्लै आँट गर्न नसक्ने, डरछेरुवा सरकार ! ख्यालख्यालको हैन, साँच्चिकै अधिनायकवाद बन्न विपक्षीले सरकारलाई अझै दबाब दिनुपर्छ ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।
मिलन तिमिल्सिना
दुई दशकदेखि रेडियो र अनलाइन पत्रकारितामा संलग्न मिलन तिमिल्सिना समसामयिक विषयमा विश्लेषण र व्यंग्यमा दखल राख्नुहुन्छ।
3 Comments
समाचार
-
-
तिहारमा ढाका टोपीको व्यापार बढ्यो
कात्तिक १७, २०८१ शनिबार
-
काठमाण्डौ उपत्यकामा मनाइयो नेपाल संवत् (तस्वीरहरु)
कात्तिक १७, २०८१ शनिबार
-
काभ्रेका बाढीपहिरो पीडितलाई तिहारकाे फूल र बत्तीको झिलिमिली...
कात्तिक १७, २०८१ शनिबार
-
भारतले दुई दशकमा साढे १९ करोड भन्दा धेरै रोजगारी थप्यो
कात्तिक १७, २०८१ शनिबार
-
हङकङ सिक्सेस क्रिकेट प्रतियोगिताको क्वाटर फाइनलमा नेपाल श्रीलङ्...
कात्तिक १७, २०८१ शनिबार
-
नेकपा एमालेद्वारा कीर्तिपुर नगर प्रमुख उम्मेदवारमा डा.सुरेन्द्...
कात्तिक १७, २०८१ शनिबार
-
दुध किसानले पाउनुपर्ने बक्यौता एक अर्ब ३० करोड रुपैयाँमा झर्याे
कात्तिक १७, २०८१ शनिबार
-
नेपाल भाषालाई पाठ्यक्रममा समावेश गर्न प्रक्रिया अगाडि बढाउने प्...
कात्तिक १७, २०८१ शनिबार
-
काठमाण्डौमा वायु प्रदूषण बढ्यो : तिहारका बेला पटका पड्काउनु म...
कात्तिक १७, २०८१ शनिबार
-
तिहारमा मुस्ताङबाट ४ हजार भेडाच्याङग्रा बिक्री
कात्तिक १७, २०८१ शनिबार
-
सर्लाहीको बरहथवा बजारमा किराना पसलमा आगलागी
कात्तिक १७, २०८१ शनिबार
-
नेपाल संवत् नेपाली माटोको संवत् हो : प्रधानमन्त्री ओली
कात्तिक १७, २०८१ शनिबार
-
प्लाष्टिकजन्य फूल काठमाण्डौ महानगरको प्रहरी बलबाट जफत
कात्तिक १७, २०८१ शनिबार
विचार
-
भाइमसलामा पाइने पौष्टिक तत्त्व : नेपालमै पाइन्छ थुप्रै फल
कात्तिक १४, २०८१ बुधबार
-
सरकारको सय दिन निराशाजनक पनि होइन, तर आशा जगाउने खालको पन...
कात्तिक ७, २०८१ बुधबार
-
चलचित्रबीच प्रतिस्पर्धा हुनु राम्रो हो, तर तालमेल नमिल्दा बेमेल...
कात्तिक ४, २०८१ आइतबार
मेरो कथा मेरो भोगाई
-
युवाहरुलाई कृषि पेशामा लाग्न प्रेरित गरौँ
भदौ १९, २०८१ बुधबार
-
श्रमको लगानी स्वदेशमै गर्नुपर्छ
बैशाख १८, २०८१ मंगलबार
-
आधुनिक खेती गर्न सकेमा युवा जनशक्ति देशमै परिचालन गर्न सकिन्छ
चैत १६, २०८० शुक्रबार
Thomas Thapa
Aug. 5, 2018, 4:02 a.m.समय सान्दर्भिक लेख राम्रो छ
गजेन्द्र जप्रेल
Aug. 4, 2018, 6:57 p.m.एकदम राम्रो छ । अहिलेको वास्तविक परिबेस समाबेस रहेको छ।
दामोदर पोख्रेल
Aug. 4, 2018, 10:22 a.m.समय सान्धार्भिक तार्किक विश्लेषण ।