भन्सारका धेरैजसो काम अनलाइनबाटै, केही सेवा स्थगित

साउन ३१, २०७७ शनिबार ११:२१:३६ | उज्यालो सहकर्मी

काठमाण्डौ - कोरोना भाइरसको महामारीलाई ध्यान दिँदै भन्सार विभागले धेरैजसो काम अनलाइनबाटै सञ्चालन गर्ने जनाएको छ ।

सरकारले ५० प्रतिशत कर्मचारी मात्रै कार्यस्थलमा उपस्थित हुने र बाँकीले घरबाटै काम गर्न भनेकाले इमेल या भर्चुअल माध्यमबाट काम गर्ने व्यवस्था मिलाइएको महानिर्देशक सुमन दाहालले जानकारी दिनुभयो ।

विद्युतीय माध्यमबाट सम्भावना नहुने र बढी जनसम्पर्क हुने काम भने तत्कालको लागि स्थगित भएको महानिर्देशक दाहालको भनाइ छ ।

नीति महसुल तथा छुट वर्गीकरण शाखाको काम इमेलबाटै हुनेछ, कुनै द्धिविधा भएमा विभागले सम्बन्धित अधिकारीलाई फोन गरेर बुझ्न सकिनेछ ।

सेवाग्राही सहजीकरण शाखाका काम पनि इमेलबाटै हुनेछन् । यसको लागि पनि विभागले प्रक्रिया र सम्बन्धित व्यक्तिको फोन नम्बरसमेत सार्वजनिक गरेको छ ।

तर कोड खारेजी गर्ने, बैंकमा राखिएको ग्यारेन्टी परिवर्तन या रकम फुकुवा गर्ने कार्य र खरिद, निर्माण सेवा, परामर्श र मौजुदा सूचीदर्ताको कार्य भने अहिलेको लागि स्थगित गरिएको भन्सार विभागले जनाएको छ ।

यसरी लिन सकिन्छ अनलाइनबाटै भन्सारको सेवा

अन्तिम अपडेट: कात्तिक १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्