नेप्से अहिलेसम्मकै उच्च विन्दुमा, कारोबार रकमले पनि रेकर्ड तोड्यो

मंसिर ११, २०७७ बिहीबार १५:१३:३७ | उज्यालो सहकर्मी

काठमाण्डौ – शेयर बजार परिसूचक नेप्सेले उच्चतम विन्दुको कीर्तिमान कायम गरेको छ । नेप्सेले बिहीबार झण्डै दुई वर्षअघिको १८ सय ८१ विन्दुको रेकर्ड तोडेको हो ।

नेप्से १८ दशमलव ४३ अङ्कले बढेर १८ सय ९३ दशमलव २४ विन्दुमा पुगेको छ । दिउँसो सवा १२ बजे नेप्से १९ सय २६ अङ्कसम्म पुगेको थियो । तर व्यापार होटल, विकास बैंक, माइक्रो फाइनान्स र जीवन बीमा समूहको शेयर ओरालो लागेपछि नेप्से १८ सय ९३ विन्दुमा रोकिएको हो । बिहीबार बैंकिङ समूहको ३७, अन्य समूहको १५ र जलविद्युत् समूहको शेयर झण्डै सात अङ्कले बढेको छ ।

नेप्सेले कारोबारमा पनि नयाँ रेकर्ड बनाएको छ । यसअघि मङ्सिर ७ गतेको ६ अर्ब ९० करोड रुपैयाँको रेकर्ड तोड्दै नेप्सेमा बिहीबार सात अर्ब ६१ करोड ३० लाख रुपैयाँको कीर्तिमानी कारोबार भएको छ । जसमा दुई सय एक कम्पनीका एक करोड ७१ लाख कित्ता शेयर किनबेच भए । सबैभन्दा धेरै पुनर्बीमा कम्पनीको ५८ करोड १३ लाख, नबिल बैंकको ३८ करोड १४ लाख, शिवम् सिमेन्टको २८ करोड ९१ लाख र दूरसञ्चार कम्पनीको २८ करोड २७ लाख रुपैयाँको शेयर कारोबार भएको छ ।

आँखुखोला जलविद्युत् आयोजना, हिमालयन ऊर्जा विकास कम्पनी, पाँचथर पावर कम्पनी र एनएमबी लघुवित्त वित्तीय संस्थाका शेयरधनीले नौ प्रतिशतभन्दा धेरैका दरले कमाएका छन् । समग्र बजार बढे पनि साल्ट ट्रेडिङ कर्पोरेशनका शेयरधनीले ६ प्रतिशतभन्दा धेरै गुमाएका छन् ।

अन्तिम अपडेट: कात्तिक १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्