काठमाण्डौ – ‘एप एक क्यूआर अनेक ’ भन्ने मूल नाराका साथ अब आईएमई पे एपबाट नेपालमा उपलब्ध सबै क्यूआर स्क्यान गर्दा एक हजार रुपैयाँसम्म जित्न सकिनेछ । यो योजना १६ भदौ देखि १४ असोज सम्म लागू हुने आईएमईले जनाएको छ ।

नेपालमा उपलब्ध फोन पे, स्मार्ट क्यूआर, युनियन पे र आईएमई पे क्यूआर सेवाग्राहीहरुले सजिलै आईएमई पे एपबाट स्क्यान गरी भुक्तानी गर्न सक्ने छन् । सबै क्यूआर स्क्यान गरी भुक्तानी गर्न मिल्ने आईएमई पे एप एक मात्र विद्युतीय भुक्तानी सेवा प्रदायक एप हो ।

नेपालमा क्यूआर स्क्यान गरी  भुक्तानी गर्ने व्यवहार बढ्दै गएको भन्दै आईएमई पेको यो सेवाले डिजिटल नेपाल अभियानलाई थप बल मिल्ने जनाइएको छ । ‘आइएमई पे ’ आइएमई डिजिटल सोलुशन लिमिटेडद्वारा प्रवर्द्धित एक विद्युतीय भुक्तानी सेवा प्रदायक ब्राण्ड हो । झण्डै ३५ हजार एजेण्ट आउटलेट सञ्जाल भएको ‘आईएमई पे’ आईएमई ग्रुप अन्तर्गतको डिजिटल वित्तीय सेवाप्रदायक उत्पादन हो ।