मकवानपुर - मकवानपुरका दशवटै पालिकाका मतदान केन्द्रहरुले मतदाताले उत्साहपूर्वक सहभागिता जनाइरहेका छन् ।

जिल्लाका एक सय ६५ वटै मतदान केन्द्रहरुमा बिहानैदेखि मतदाताहरुको भीड लागिरहेको छ । विहानैदेखि मौसम पनि सफा रहेकोले मतदानमा सहभागीताका लागि सजिलो भएको मतदाताहरुले बताएका छन् ।

मकवानपुरका दश वटा पालिकाका तीन सय सय ६५ वटा मतदान केन्द्रबाट दुई लाख ९४ हजार ९१९ मतदाताले मतदान प्रक्रियामा सहभागिता जनाउदैछन् । मकवानपुरमा विभिन्न पार्टीका केन्द्रीय, प्रदेश स्तरका नेताहरुले मतदान गरेका छन् ।

धेरैजसो नेताहरुले हेटौंडाका विभिन्न मतदान केन्द्रहरुमा गएर मतदान गरेका छन् । यसैगरी विभिन्न दलमा आवद्ध उम्मेदवारहरुले पनि मतदान गरेका छन् । राप्रपा नेपाल अध्यक्ष तथा पूर्व गृहमन्त्री कमल थापाले हेटौंडा उपमहानगरपालिका वडा नम्बर ६ मा रहेको वंशगोपाल माध्यमिक विद्यालय मतदान केन्द्रबाट मतदान गर्नुभएको छ ।