पर्सा – पर्साको ठोरी गाउँपालिकामा नेकपा एमाले अध्यक्ष र उपाध्यक्ष दुवै पदमा विजयी भएकाे छ । ४ हजार ४९ मत प्राप्त गरी एमालेका अध्यक्षका उम्मेदवार लालबहादुर श्रेष्ठ विजयी हुनुभएकाे हाे । यसैगरी उपाध्यक्षमा नेकपा एमालेकै गोकुली कुमारी रेग्मी ४ हजार २ सय ५९ मत प्राप्त गरी विजयी हुनुभयाे ।

श्रेष्ठका निकटतम प्रतिद्वन्द्वी निवर्तमान अध्यक्ष नेकपा माओवादी केन्द्रका पदमलाल श्रेष्ठले ३ हजार ३ सय २९ मत प्राप्त गर्नुभयाे । साविकको निर्मलवस्ती गाविस हालको वडा नं ३ र ४ को दुईपटक अध्यक्ष निर्वाचित श्रेष्ठ ०७४ को निर्वाचनमा पदमलाल श्रेष्ठसँग पराजित हुनुभएकाे थियाे । नेपाली कांग्रेस मधेस प्रदेशका महामन्त्रीसमेत रहनुभएका वृहस्पतिकृष्ण श्रेष्ठले २ हजार ५ सय ४८ मत प्राप्त गरेर तेश्रो स्थानमा रहनुभयाे ।

उपाध्यक्षमा गोकुली कुमारी रेग्मीकी प्रतिद्वन्द्वी नेकपा माओवादी केन्द्रकी निरु तामांगले ३ हजार ४३ मत पाउनुभयाे ।