सप्तरी – प्रदेश नम्बर २ का भौतिक पूर्वाधार विकासमन्त्री जितेन्द्र सोनलले राजपा नेपाnले पनि अब सडक, सदन र सरकारमा संघर्ष गर्ने उद्घोष गर्नुभयो ।

संविधान दिवसको अवसरमा राजपा नेपालले राजविराजमा आयोजना गरेको कालो दिवसको विरोध सभालाई सम्बोधन गर्दै मन्त्री सोनलले सो कुराको उदघोष गरेका हुन । 

मन्त्रीले मधेश आन्दोलनका लागि शहादत प्राप्त गरेका वीर शहीदहरुको सपना साकार पार्नका लागि कालो दिन मनाएको बताएका छन् । 

यस्तै सोनलले मधेशको मुद्धा र मधेशी जनता ठूलो रहेको भन्दै संविधान घोषणा भएको दिनमा जस्तो स्थिति थियो,त्यस्तै अहिलेसम्म पनि कुनै परिवर्तन नभएकाले पनि आज कालो दिन मनाएको स्पष्ट पार्नुभयो । 

मधेशी जनताको रगत, पसिनाबाट संघीयता आएको भन्दै मन्त्री सोनलले संघियता सहितको संविधान चाहिएको स्पष्ट पार्नुभयो । उनले मैथिली ,भोजपुरी ,थारु ,हिन्दी भाषालाई राष्ट्र र मधेशको भाषा बन्नुपर्नेमा जोड दिनुभयो ।