एसिया कपमा १० विकेट लिएका सिराज बने नम्बर १ बलर

असोज ३, २०८० बुधबार १७:११:१० | उज्यालो सहकर्मी

काठमाण्डाै – एसिया कप क्रिकेटकाे फाइनलमा उत्कृष्ट प्रदर्शन गर्ने भारतीय बलर माेहम्मद सिराज आईसीसीकाे एकदिवसीय वरीयतामा पहिलाे नम्बरमा उक्लिएका छन् ।

एकदिवसीय बलिङकाे वरीयतामा सिराजले ८ स्थान सुधार गरेका हुन् । सिराजले एसिया कपमा १० विकेट लिएका थिए । यस्तै श्रीलङ्कासँगकाे फाइनल खेलमा उनले मात्र २१ रन दिएर ६ विकेट लिएका थिए । फाइनलमा श्रीलङ्का मात्र ५० रनमा आउट भएकाे थियाे । भारतले फाइनल खेल १० विकेटले जितेकाे थियाे ।

सिराज अस्ट्रेलियाका जाेश हेजलवुडलाई पछि पार्दै पहिलाे नम्बरमा पुगेका हुन् । हेजलवुड गएकाे मार्चमा सिराजलाई नै पछि पार्दै एकदिवसीय बलिङ वरीयताकाे पहिलाे नम्बरमा पुगेका थिए । हेजलवुड अहिले दाेस्राे नम्बरमा छन् । तेस्राे नम्बरमा न्युजिल्यान्डका ट्रेन्ट बाेल्ट छन् ।

यस्तै एकदिवसीय ब्याटिङ वरीयताकाे पहिलाे नम्बरमा बाबर आजम छन् । ब्याटिङकाे वरीयतामा दाेस्राे नम्बरमा भारतका शुभमन गिल र तेस्राे नम्बरमा दक्षिण अफ्रिकाका रसी भान डेर डुसेन छन् ।

एकदिवसीय बलिङ वरीयतामा नेपालका सन्दीप लामिछाने यथावत् स्थानमा रहँदा दीपेन्द्रसिंह ऐरी, करण केसी, साेमपाल कामी र ललित राजवंशी १/१ स्थान तल झरेका छन् । नयाँ वरीयताअनुसार दीपेन्द्र ६८, करण ८७, साेमपाल ९३ र ललित ९७ औँ स्थानमा छन् ।

यस्तै ब्याटिङतर्फ आसिफ शेख, राेहित पाैडेल र कुशल भुर्तेल यथावत् स्थानमा छन् । आसिफ ७७, राेहित ८४ र कुशल ९९ औँ स्थानमा छन् ।

अन्तिम अपडेट: कात्तिक १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्