प्रचण्ड नेतृत्वकाे सरकारलाई निरन्तरता दिन एमाले तयार छ : महास...
बैशाख ७, २०८१ शुक्रबार
कालिकोट – स्याङजा र भक्तपुरबाट मुगुको राराताल भ्रमण गरेर आएका टोलीबीच आपसी विवाद हुँदा मेयर घाइते भएका छन् ।
खाडाचक्र नगरपालिकाको होटल सनलाइटमा रक्सी खाएर एक आपसमा विवाद हुँदा स्याङजा चापाकोट नगरपालिकाका मेयर शिवकुमार गिरि घाइते भएको कालिकोटमा डीएसपी बिनोद शर्माले बताउनुभयो । होटेलमा रक्सी खाएकाहरुले एक आपसबीच बोतल हानाहान गर्दा मेयर घाइते भएको प्रहरीले प्रारम्भिक अनुसन्धानपछि जानकारी दिएको छ ।
मेयरलार्इ कसले बाेतलले हानेकाे भन्ने पूर्ण जानकारी भने अाएकाे छैन । प्रहरीले अनुसन्धान भैरहेकाे जनाएकाे छ । प्रहरीका अनुसार प्रारम्भिक अनुसन्धानमा भक्तपुरकाे भ्रमण टाेलीले मेयरमाथि बाेतल प्रहार गरेकाे हुनसक्ने अाशंका छ ।
सामान्य घाइते भएका मेयर गिरिलाइ जिल्ला अस्पलात कालिकोटमा उपचार गरी घर पठाउने तयारी भएको खाडाचक्र नगरपालिका मेयर जसीप्रसाद पाण्डेले बताउनुभयो । रारा भ्रमण सकेर फर्केका उनीहरुबीच रक्सीको मातमा झगडा परेको मेयर पाण्डेले बताउनुभयो ।
कालिकोटका पत्रकार मनिराज पाण्डे उज्यालोका जिल्ला सम्वाददाता हुनुहुन्छ ।