पाठ्यपुस्तक समयमै पुग्न थालेपछि विद्यार्थी राम्रो अङ्कसहित पास हुन थाले

चैत २५, २०८० आइतबार १५:१७:३८ | रासस

बझाङ – पाठ्यपुस्तक समयमै पुग्न थालेपछि बझाङको केदारस्युँ गाउँपालिकाको जनचेतना आधारभूत विद्यालयका विद्यार्थी राम्रो अङ्कमा पास हुन थालेका छन् ।

विगतमा मुस्किलले पास हुने जनचेतना आधारभूत विद्यालयमा कक्षा ६ मा अध्ययनरत अङ्किता दमाईले यस पटक भने कक्षामा उत्कृष्ट अङ्क ल्याउन सफल हुनुभएको छ । गएको वर्ष कक्षा ५ मा भर्ना गर्न जाँदा नयाँ किताब पाएपछि बहिनीको पढ्ने बानी विकास भएको र वार्षिक परीक्षामा उत्कृष्ट नतिजा आएको अङ्किताकी दिदी सिर्जनाले बताउनुभयो ।

बित्थडचिर गाउँपालिकाको केदार माविमा पढ्ने विनोद बोहराले विगतका कक्षामा किताब नभएको भन्दै शिक्षकले पढाउन हेलचेक्र्याइँ गर्ने गरेका र आधा किताब नसकिँदै वार्षिक परीक्षा हुने गरेको सुनाउनुभयो । तर पाठ्यपुस्तक समयमै आउन थालेपछि अहिले सबै पढाइ हुने र विद्यार्थी पनि राम्रो नम्बर ल्याएर पास हुने थालेका उहाँले बताउनुभयो ।

शैक्षिक सत्रसँगै विद्यार्थीलाई पाठ्यपुस्तक वितरण भएकाले नतिजा सुधारोन्मुख भएको शिक्षा विकास तथा समन्वय इकाइ बझाङको भनाइ छ । गएको शैक्षिक सत्र २०८० को वैशाखमा विद्यार्थी भर्नासँगै हातहातमा पाठ्यपुस्तक वितरण गरेका सामुदायिक विद्यालयले यस वर्ष पनि भर्नासँगै पाठ्यपुस्तक वितरण गर्ने तयारी गरिरहेका छन् ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

पाठ्यपुस्तक समयमै पुग्न थालेपछि विद्यार्थी राम्रो अङ्कसहित पास हुन थाले

फाइल फाेटाे

तपाईको प्रतिक्रिया