आईपीएल क्रिकेटमा गुजरात र कोलकाता विजयी

वैशाख १०, २०८१ सोमबार ६:४७:१७ | उज्यालो सहकर्मी

काठमाण्डौ – इण्डियन प्रिमियर लिग आईपीएल क्रिकेटमा गुजरात टाईटन्सले पञ्जाब किंग्सलाई तीन विकेटले हराएको छ । गएराति भएको खेलमा पञ्जाबले दिएको एक सय ४३ रनको लक्ष्य गुजरातले पाँच बल बाँकी छँदै सात विकेट गुमाएर भेट्टायो ।

गुजरातका लागि राहुल तेवाटियाले सर्वाधिक ३६ रन बनाए । कप्तान शुभमन गिलले ३५ रन बनाए । पञ्जाबका लागि हर्शल पटेलले तीन विकेट लिए । त्यसअघि टस जितेर ब्याटिङ गरेको पञ्जाबले निर्धारित २० ओभरमा एक सय ४२ रन बनाएको थियो । पञ्जाबका प्रभसिम्रन सिंहले सर्वाधिक ३५ रन बनाए । हरप्रित ब्रारले २९ रन जोडे । गुजरातका साई किशोरले पाँच विकेट लिए ।

यो जितसँगै गुजरात आठ खेलमा आठ अङ्कसहित छैटौं र पन्जाब आठ खेलमा चार अङ्कसहित नवौं स्थानमा छ । यसअघि हिजो भएको पहिलो खेलमा कोलकाता नाइट राइडर्सले रोयल च्यालेनजर्स बेंगलूरुलाई एक रनले हराएको छ ।

कोलकाताले दिएको दुई सय २३ रनको लक्ष्य पछ्याएको बेंगलुरुले २० ओभरमा सबै विकेट गुमाउँदै दुई सय २१ रन बनाउन सक्यो । बेंगलुरुका लागि विल ज्याक्सले सर्वाधिक ५५ रन बनाएका थिए । कोलकाताका लागि आन्द्रे रसेलले तीन विकेट लिए ।

त्यसअघि टस हारेर पहिले ब्याटिङको निम्तो पाएको कोलकाताले २० ओभरमा छ विकेट गुमाउँदै दुई सय २२ रन बनाएको थियो । कोलकाताका लगि कप्तान श्रेयस ऐयरले ५० रन बनाए । फिल साल्टले ४८ रन जोडे । बेंगलुरुका लागि यश दयाल र क्यामरन ग्रीनले २–२ विकेट लिए ।

कोलकाता सात खेलमा १० अङ्कसहित दोस्रो स्थानमा उक्लिएको छ । बेंगलुरु आठ खेलमा दुई अङ्कसहित तालिकाको पुछारमा छ । आईपीएलमा आज राजस्थान रोयल्स र मुम्बई इण्डियन्स खेल्दैछन् । जयपुरमा हुने खेल नेपाली समयअनुसार बेलुका पौने ८ बजे हुने छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

आईपीएल क्रिकेटमा गुजरात र कोलकाता विजयी

एजेन्सी

तपाईको प्रतिक्रिया