प्रधानमन्त्री कप महिला क्रिकेट प्रतियोगितामा आज एपीएफ र आर्मी तथा बाग्मती र सुदूरपश्चिम खेल्दै

माघ ११, २०८१ शुक्रबार १०:१:४४ | उज्यालो सहकर्मी

काठमाण्डौ – प्रधानमन्त्री कप महिला टी–ट्वान्टी राष्ट्रिय क्रिकेट प्रतियोगिताको ‘सुपर–फोर’ मा आज दुई वटा खेल हुँदैछन् ।

अहिले विभागीय टोली एपीएफ र त्रिभुवन आर्मी खेल्दै छन् । दिउँसो १ बजे बाग्मती र सुदूरपश्चिम प्रदेशबीच खेल हुनेछ ।

प्रधानमन्त्री कप महिला टी–ट्वान्टी राष्ट्रिय क्रिकेट प्रतियोगिताका खेल धनगढीको फाप्ला क्रिकेट मैदानमा हुँदै आएको छ ।

‘सुपर–फोरमा हिजो भएको खेलमा त्रिभुवन आर्मीले सुदूरपश्चिम प्रदेशलाई १४ रनले हराएको थियो । त्यस्तै अर्को खेलमा एपीएफले बाग्मतीलाई १० विकेटले हरायो ।

९ वटा टोली सहभागी रहेकोमा समूह ‘ए’ बाट एपीएफ र सुदूरपश्चिम तथा समूह ‘बी’ बाट आर्मी र बाग्मती ‘सुपर फोर’मा पुगेका हुन् ।

सुपर फोरमा एक समूहको टोलीले अर्को समूहको टोलीसँग खेलेपछि शीर्ष दुईमा रहने टोली फाइनलमा पुग्नेछन् । फाइनल खेल भोलि हुनेछ ।

अन्तिम अपडेट: माघ ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्