रविलाई सङ्गठित अपराधमा मुद्दा नचलाउने जिल्ला न्यायाधिवक्तामाथि छानबिन गर्न समिति गठन

माघ २३, २०८१ बुधबार १५:१:२ | उज्यालो सहकर्मी

काठमाण्डाै – चितवनमा राष्ट्रिय स्वतन्त्र पार्टी (रास्वपा) का सभापति रवि लामिछानेलाई सहकारी ठगीमा मात्रै अभियोग दर्ता गराएको विषयमा छानबिन गर्न समिति गठन भएको छ ।

महान्यायाधिवक्ता रमेशप्रसाद बडालले यथाशीघ्र प्रतिवेदन दिने गरी नायब महान्यायाधिवक्ता गोपालप्रसाद रिजालको संयोजकत्वमा चार सदस्यीय छानबिन समिति गठन गर्नुभएको हो । समितिमा महान्यायावक्ता कार्यालयका प्रवक्ता एवम् सहन्यायाधिवक्ता सूर्यराज दाहाल, उच्च अदालत सरकारी वकिल कार्यालय हेटौँडाका सहन्यायाधिवक्ता ईश्वरीप्रसाद ढकाल, महान्यायाधिवक्ताको कार्यालयका उपन्यायाधिवक्ता रुद्रप्रसाद आचार्य सदस्य रहेका छन् ।

जिल्ला सरकारी वकिल कार्यालयलका प्रमुख जिल्ला न्यायाधिवक्ता शान्तिप्रसाद लुइँटेलले सहारा चितवन सहकारी ठगी प्रकरणमा हिजो रवि लामिछानेविरुद्ध सहकारी ठगीको अभियोग मात्र मुद्दा दर्ता गर्नुभएको थियो । लामिछानेलाई किन सङ्गठित अपराधको कसूरमा अभियोग लगाइएन भन्ने विषयमा छानबिन गर्न महान्यायाधिवक्ता बडालले समिति गठन गर्नुभएको हो । महान्यायाधिवक्ता कार्यालयले मुद्दा दायर गर्ने जिल्ला न्यायाधिवक्ता लुइँटेललाई हिजै सरुवा गरेर केन्द्रीय कार्यालय तानेको छ ।

चितवनको सरकारी वकिलको कार्यालयले सहारा चितवन बहुउद्देश्यीय सहकारी संस्थाको बचत रकम अपचलनमा ३२ जनाविरुद्ध हिजाे अभियोजन गर्दा १२ जनालाई मात्रै सङ्गठित अपराध र ठगीको मुद्दा चलाएको थियो । मुद्दा आज न्यायाधीश दयाराम ढकालको इजलासमा पेशी परेको छ । मुद्दाको सुनुवाइ हुने भएपछि लामिछाने अदालत हाजिर भएका छन् । लामिछानेसहित उपस्थित प्रतिवादीहरूको बयान गरेपछि थुनछेक बहस शुरू हुनेछ ।

अन्तिम अपडेट: माघ २३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

रविलाई सङ्गठित अपराधमा मुद्दा नचलाउने जिल्ला न्यायाधिवक्तामाथि छानबिन गर्न समिति गठन

फाइल फाेटाे

तपाईको प्रतिक्रिया