आलियाले आफ्ना प्रेमी रणबिरलाई बिरालोसँग किन तुलना गरिन् ?

पुष १९, २०७५ बिहीबार १२:२१:११ | एजेन्सी

अभिनेत्री आलिया भट्ट र रणबिर कपूर अहिले बलिउडका चर्चित प्रेम जोडी हुन् । बलिउड फिल्म उद्योग तथा मिडियामा अहिले आलिया रणबिरकै चर्चा हुने गर्छ ।

रणबिर कपूरले नयाँ वर्ष मनाउनका लागि प्रेमिका आलिया भट्टलाई लिएर अमेरिका गएका थिए । अमेरिकामा कपूर परिवारका साथ नयाँ वर्ष मनाउँदै गरेको तस्बिर रणबिरकी आमा नितु कपूरले सामाजिक सञ्जालमा सेयर गरेकी छिन् ।

वर्ष २०१८ मा रणबिर कपूरको जन्मदिनको अवसरमा आलिया भट्टकी आमा र रणबिर कपूरकी आमाले समेत भेट गरेका थिए । खबरहरुमा दुवै परिवारले आलिया र रणबिरको विवाहको कुराकानीसमेत गरेको बताइएको थियो । हालै अभिनेत्री आलिया भट्टले पनि रणबिर कपूरसँगको सम्बन्धका बारेमा मिडियासामु कुरा गरेकी छिन् ।

आलियालाई रणबिर कपूरसँगको सम्बन्धबारेको प्रश्नमा उनले भनेकी छिन्, ‘म मेरो व्यक्तिगत जीवनप्रति एकदमै इमान्दार छु । म यस विषयमा धेरै बोल्न पनि चाहँदिन किनकी यी सबकुरा गर्न थाल्यो भने यसले मेरो ध्यानलाई अन्तैतिर जान थाल्छ । यो सम्बन्ध एक उपलब्धि नभई मेरो जिन्दगीको एक महत्वपूर्ण हिस्सा हो । जे कुरा भइरहेको छ यो निकै सुन्दर छ । अहिलेलाई जस्तो चल्दैछ मैले त्यसलाई त्यस्तै छोडेकी छु ।’

आलिया भट्टले एक बिरालो पालेकी छिन् जसलाई उनी धेरै माया गर्छिन् । उनले प्रेमी रणबिर कपूरलाई उनको त्यसै बिरालोसँग तुलना गर्दै भनिन्, ‘यो सब कुरा यस्तो छ, जस्तो मेरो जीवनमा बिरालो छ । जसको म सधैँ सुरक्षा गर्न चाहन्छु । र उ एडवर्ड (आलियाको बिरालो)ले जस्तै अहिले नै सामाजिक सञ्जालहरुमा आउनका लागि तयार छैन ।’

आलिया भट्ट र रणबिर कपुरले फिल्म ‘ब्रम्हास्त्र’ एक साथ काम गरेका छन् । यो फिल्म यस वर्षको अन्त्यमा प्रदर्शन हुनेछ । र आज उनको अर्को फिल्म ‘गलीब्वय’ को पोस्टर रिलिज भएको छ । २०१९ को फेब्रुअरी १४ मा प्रदर्शन हुने यस फिल्ममा उनी रणबिर सिंहको जोडीको रुपमा देखिनेछिन् ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्