गाउँ घुम्न निस्केकी महिला घर नजिकै मृत भेटिइन्

माघ १६, २०७५ बुधबार २०:४:५२ | राजु लामिछाने

रुकुमपश्चिम – गाउँ घुम्न भन्दै घरबाट निस्केकी एउटी महिला मृत अवस्थामा फेला परेकी छिन् ।

रुकुमपश्चिमको सानीभेरी गाउँपालिका–३, की ४८ वर्षीया सुनिता बुढा बुधबार बिहान मृत अवस्थामा फेला परेकी हुन् ।

जिल्लाप्रहरी कार्यालय रुकुमपश्चिमका अनुसार आफ्नै घरदेखि एक सय मिटर टाढा पाखो जमिनमा बुढाको शव फेला परेको हो । मृतक बुढा अघिल्लो दिन गाउँतिर घुम्न जाने भन्दै घरबाट निस्किएको र प्रारम्भिक अनुसन्धानको क्रममा बुढाले अत्याधिक मात्रामा मादक पदार्थ सेवन गर्दै हिँड्ने गरेको कुरा खुल्न आएको जिल्ला प्रहरी कार्यालय रुकुमपश्चिमका प्रमुख प्रहरी नायब उपरीक्षक सुमित खड्काले बताउनुभयो ।

उहाँका अनुसार बुढाको शव जिल्ला स्वास्थ्य कार्यालय सल्लेमा ल्याएर पोष्टमार्टम गराउने कार्य भइरहेको छ । मृतक बुढाका श्रीमान भिम बहादुर बुढा र छोरा रोजगारीको सिलसिलामा भारतमा रहेको बुझिएको छ ।

घटनाको थप अनुसन्धान भइरहेको प्रहरीले बताएको छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राजु लामिछाने

राजु लामिछाने रुकुमका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्