ज्यान हत्केलामा राखेर बिजुली ल्याउन अग्रसर

माघ १८, २०७५ शुक्रबार १३:४०:५७ | राजु लामिछाने

रुकुम पश्चिम – घरमा विद्युत लाइन पुर्‍याउनलाई जनश्रमदान गरिरहेको तस्बिर हेरेरै प्रष्ट हुन्छ, उनीहरु ज्यान जोखिममा राखेरै जलविद्युत योजना निर्माणमा अग्रसर भएका छन् ।

सानीभेरी गाउँपालिका–६, स्थित देउताखोला–मुसीगार लघु जलविद्युत आयोजना निर्माणको काममा स्थानीयवासी जोखिम मोलेर कामलाई तीव्रता दिइरहेका छन् । ठूलो पहरामा विद्युत आयोजनाको नहर निर्माण गर्नुपर्ने भएकोले काम जोखिमपूर्ण भएको हो ।

आयोजना निर्माण समितिका अध्यक्ष पहलसिंह घर्तीका अनुसार, मुहानदेखि पावर हाउससम्मको आठसय ८६ मिटरको नहर क्षेत्रमा १ सय ५० मिटर पहरा मात्र रहेको छ । पहरामा ड्रिल मेसिनले प्वाल पारेर ठूल्ठूला पाइप अड्याउनुपर्ने भएकोले ज्यानको जोखिम राखेर भएपछि स्थानीयवासी क्रियाशील छन् । अध्यक्ष घर्तीले ‘पहरो खोल्न र गह्रुँगो पाइप उचालेर अड्याउने काम बढी जोखिम छ ।

समस्याका बाबजुद दक्ष जनशक्ति परिचालन गरेर कामलाई तीव्रता दिइएको उहाँले बताउनुभयो । वैकल्पिक उर्जा प्रवर्द्धन केन्द्रको सहयोगमा निर्माणाधीन त्यस आयोजनाबाट १३ किलोवाट विद्युत उत्पादन हुने बताइएको छ । जसबाट यहाँका दुई सय ३५ घरधुरी लाभान्वित हुने अध्यक्ष घर्तीले बताउनुभयो ।

वैकल्पिक उर्जा प्रवर्द्धन केन्द्रको ३८ लाख ९९ हजार रुपैयाँ सहयोगमा यो आयोजना निर्माण भइरहेको छ ।

आउँदो चैत्र मसान्तभित्र निर्माण सम्पन्न गर्नेगरी काम भइरहेको त्यस आयोजनामा कूल लागतको ४० प्रतिशत श्रमदान गर्नुपर्ने व्यवस्था रहेको छ । श्रमदान अन्तर्गत स्थानीयले सामान ढुवानी, नहर तथा पावर हाउस भवन निर्माणलगायतका कामहरु गरिरहेको अध्यक्ष घर्तीको भनाई छ ।

श्रमदानको लागि गाँउका महिलाहरु समेत गैँती, बेल्चा, कोदालो, हँसिया, घन बोकेर हरेक दिन नहर बनाउन अग्रसर रहेका छन् ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राजु लामिछाने

राजु लामिछाने रुकुमका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्