रुकुम पूर्वमा सदरमुकाम विवाद : आन्दोलन चर्किएपछि निषेधाज्ञा जारी

माघ २१, २०७५ सोमबार ९:२२:४५ | राजु लामिछाने

रुकुम पूर्व – रुकुमकोटमा निषेधाज्ञा जारी गरिएको छ । सदरमुकामको विवाद चुलिँदै गएपछि जिल्ला प्रशासन कार्यालय रुकुम पूर्वले आइतबार साँझ ७ बजेदेखि अनिश्चितकालीन निषेधाज्ञा जारी गरिएको जनाएको छ ।

सदरमुकामका लागि रुकुमकोटका र गोलखाडाबासीले आ–आफ्ना आन्दोलनका कार्यक्रमहरु गर्न नछोड्ने अडान लिएपछि चार किल्ला तोकी निषेधित क्षेत्र घोषणा गरिएको कार्यालयले जनाएको छ ।

रुकुमकोटको चार किल्लामा कुनै पनि किसिमका सभा, जुलुस, भेला तथा प्रदर्शनका कार्यक्रमहरु गर्न गराउन निषेध गरिएको प्रमुख जिल्ला अधिकारी मित्रलाल शर्माले बताउनुभयो । प्रशासनले पूर्वमा सिस्ने गाउँपालिका ५ को धौला पहिरा, पश्चिममा रानीकोट, उत्तरमो रुकुमगाड हुँदै धाउनेको पारीघट्ट र दक्षिणमा शहीदपार्क हुँदै रुमालबारासम्म निषेधित क्षेत्र घोषणा गरिएको प्रमुख जिल्ला अधिकारी शर्माले बताउनुभयो ।

जिल्लामा चुलिइरहेको विवादको समस्या समाधान गर्न भन्दै दुवै पक्षको टोलीसहित बसेको वार्ता विफल भएपछि कुनै पनि अप्रिय घटना हुन नदिन चार किल्ला तोकेर निषेधित क्षेत्र घोषणा गरेका प्रमुख जिल्ला अधिकारी शर्माले बताउनुभयो ।

सदरमुकामको विवादलाई लिएर केही दिन यता रुकुमकोट तनावग्रस्त छ ।

रुकुमकोटमा रहेको जिल्ला सदरमुकामा तत्कालीन शेर बहादुर देउवा नेतृत्वको सरकारले २०७४ माघ ११ गते पुथाउत्तरगङ्गा गाउँपालिकाको १२ गोलखाडामा राख्ने निर्णय गरेको थियो । देउवा नेतृत्व सरकारको त्यस निर्णय विरुद्ध २०७४ माघ १७ मा सर्वोच्चमा रिट दर्ता भएको थियो । रिटको सुनुवाइ गर्दै सर्वोच्चले तत्काल सदरमुकाम नसार्न अन्तरिम आदेश दिएपछि केही शान्त भए पनि यही १४ गतेबाट पुनःआन्दोलनका कार्यक्रमहरु सुरु गरिएको छ ।

सदरमुकाम विवादको विषयमा छलफल गर्न दुवै पक्षलाई सर्वोच्चले आउँदो २७ गते बोलाएको छ । रुकुमकोटमा आन्दोलन चर्किँदै गइरहेको अवस्थामा गोलखाडाबासीले माघ २२ गते रुकुमकोट मै प्रदर्शन गर्ने घोषणा गरेसँगै विवाद झन् बढेको हो ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राजु लामिछाने

राजु लामिछाने रुकुमका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्