कफी खेतीको विकास र विस्तारका लागि धनकुटामा कार्यशाला

माघ २५, २०७५ शुक्रबार १६:५२:४ | सन्ताेष रुचाल

धनकुटा – विश्व बजारमा नेपालमा उत्पादित कफीको परिमाण मागभन्दा झण्डै १५ प्रतिशत मात्र उत्पादन हुने तथ्यांकले देखाएको छ ।

राष्ट्रिय चिया तथा कफी विकास बोर्ड पोखराका क्षेत्रीय निर्देशक लक्ष्मणप्रसाद पोखरेलले विश्व बजारमा ८ हजार मेट्रिक टन माग भए पनि नेपालमा भने अहिले ५ सय १३ मेट्रिक टन मात्रै उत्पादन हुने गरेको बताउनुभएको छ ।

धनकुटामा शुक्रबार आयोजित कफी खेतीको विकास र विस्तारका लागि उत्प्रेरणात्मक तथा प्रवर्द्धनात्मक कार्यशाला गोष्ठीमा पोखरेलले नेपालको ४२ जिल्लाको १२ लाख हेक्टर जमीनमा अराविका जातको कफी खेती गर्न सकिने भए पनि अहिले २ हजार ६ सय ५० हेक्टरमा मात्र खेती हुँदै आएको बताउनुभयो ।

नेपालमा ८० वर्ष अगाडिदेखि नै कफी खेतीको सुरुवात भए पनि अहिलेसम्म यसलाई व्यवसायिक खेतीको रुपमा विकास गर्न नसक्नु दुखद भएको पोखरेलले बताउनुभयो ।

कफीको व्यावसायिक खेतीमा लाग्न किसानलाई आग्रह गर्दै क्षेत्रीय निर्देशक पोखरेलले प्रधानमन्त्री कृषि आधुनिकीकरण परियोजना अन्तरगत सुपर जोनको रुपमा गुल्मी, प्यूठान, पाल्पा, अर्घाखाँची र स्याङजा जिल्लामा कफी खेतीको विस्तार भइरहेको जानकारी दिनुभयो ।

धनकुटामा १० हजार हेक्टर जमीनमा कफीको व्यवसायिक खेती गर्न सकिने समेत उहाँको भनाइ थियो । नेपालले ८४ मेट्रिक टन कफी निर्यात गरे पनि १ सय ६३ मेट्रिक टन आयात गरिरहेको तथ्यांक छ ।

धनकुटामा दुई दिनसम्म सञ्चालन हुने कफी खेतीको विकास र विस्तारका लागि उत्प्रेरणात्मक तथा प्रवर्द्धनात्मक कार्यशाला गोष्ठीमा जिल्लाभरका कफी कृषकहरुको सहभागिता रहेको जिल्ला कफी व्यवसायी संघ धनकुटाका अध्यक्ष डिल्लीश्वर दर्नालले बताए ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सन्ताेष रुचाल

रुचाल धनकुटाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्