भेरी बस दुर्घटना अपडेट : ज्यान गुमाएका मध्ये तीनजनाको सनाखत, ९ जना घाइते

फागुन ३, २०७५ शुक्रबार ८:५२:२५ | राजु लामिछाने

रुकुम – भेरी बस दुर्घटनामा ज्यान गुमाएका चारजना मध्ये तीन जनाको सनाखत भएको छ । बिहीबार साँझ यात्रु बोकेको बस भेरी नदीमा खस्दा चारजनाको ज्यान गएको थियो । चारजनाको घटनास्थलमै ज्यान गएको र ९ जना घाइते भएको जाजरकोटका प्रमुख जिल्ला अधिकारी ललित कुमार बस्नेतले जानकारी दिनुभयो ।

ज्यान गुमाएका मध्ये तीनजनाको सनाखत भएको छ । दैलेख घर भई बाँके खजुरा २ बस्ने हरिबहादुर रावत, डोल्पा जगदुल्ला गाउँपालिका ५ का मनबहादुर बोहरा र बाँके खजुरा शान्तिपुरका १७ वर्षीय सागर भण्डारीको सनाखत भएको हो । भण्डारी गाडीको सहचालक हुन् । ज्यान गुमाएका एकजनाको भने सनाखत हुन सकेको छैन ।

घाइते ९ जना मध्ये २ जनालाई बिहीबार नै नेपालगञ्ज पठाइएको थियो । रुकुम पश्चिमको आठबीसकोट नगरपालिका वडा नं १३ बस्ने ३२ वर्षीय लालबहादुर थापा र त्यही नगरपालिका वडा नं ११ का २८ वर्षीय भरत चन्दलाई थप उपचारका लागि नेपालगञ्ज रिफर गरिएको हो ।

अन्य ७ जना घाइतेको जाजरकोट जिल्ला अस्पताल र स्थानीय मेडिकलमा उपचार भैरहेको छ ।

जाजरकोट भेरी नगरपालिका वडा नं ५ का २४ वर्षीय विवश बोहरा, वडा नं १ का ६० वर्षीया पञ्चकली राना र नलगाड नगरपालिका वडा नं १३ का २१ वर्षीय डिल्लीबहादुर बोहरा, रुकुम पश्चिम आठबीसकोट नगरपालिका वडा नं ६ का धिरेन्द्र बोहरा र डोल्पा जगदुल्ला गाउँपालिका वडा नं ५ का १३ वर्षीय जितबहादुर बोहराको जिल्ला अस्पताल जाजरकोटमा उपचार भैरहेको प्रहरीले जनाएको छ ।

यस्तै, चालक सल्यान बनगाड कुपिन्डे नगरपालिका वडा नं ५ का २४ वर्षीय मोहन राना र जाजरकोटको बारेकोट गाउँपालिका वडा नं. ८ लिम्साका ३५ वर्षीय जयराम विकको स्थानीय रिम्ना मेडिकलमा उपचार भैरहेको छ ।

बाँकेको नेपालगञ्जबाट रुकुम पश्चिमको राडीबजारतर्फ आउँदै गरेको भे १ ख १३२९ नम्बरको यात्रुवाहक बस भेरी नदीमा खसेको थियो । जाजरकोटको भेरी नगरपालिका–१ को खलङ्गा रिम्ना सडकखण्डको पिपे नजिकबाट बस भेरीमा खसेको हो ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राजु लामिछाने

राजु लामिछाने रुकुमका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्