रुकुम पूर्वमा जम्मू–कश्मीरबाट ल्याइयो ओखरका ८ हजार बिरुवा

फागुन ६, २०७५ सोमबार १४:२५:२६ | राजु लामिछाने

रुकुम पूर्व – भारतको जम्मू–कश्मीरबाट ८ हजार ओखरका बिरुवा रुकुम पूर्वमा ल्याइएको छ । जिल्लामा सञ्चालित प्रधानमन्त्री कृषि आधुनिकिकरण परियोजनाअन्तर्गत ‘ओखर जोन’ कार्यक्रम लागु भएसँगै भारतबाट बिरुवा ल्याइएको हो ।

सञ्चालक समितिको मागअनुसार जम्मू–कश्मीरबाट ‘कश्मीरी थिनसेल टुसा’ जातको टिस्यू कल्चरबाट उत्पादित ८ हजार ओखरका बिरुवा जिल्लामा ल्याएर वितरण गरिएको परियोजनाका निमित्त वरिष्ठ कृषि अधिकृत भिष्मराज रेग्मीले जानकारी दिनुभयो ।

३ स्थानीय तह रहेको यस जिल्लामा ओखर खेतीका लागि पुथा उत्तरगङ्गा गाउँपालिकाको ४०, सिस्नेको २० र भुमेको १५ हेक्टर क्षेत्रफल जग्गा विस्तार गरिएको छ । पुथा उत्तरगङ्गा गाउँपालिकामा ४ हजार ४ सय, सिस्ने गाउँपालिकामा २ हजार र भुमे गाउँपालिकामा १ हजार ६ सय ओखरका बिरुवा वितरण गरिएको अधिकृत रेग्मीले जानकारी दिनुभयो ।

‘ओखर जोन’ लागु भएका सबै क्षेत्रको माटो परिक्षणपश्चात विरुवा वितरण गरिएको बताइएको छ । माटोमा पी.एच, नाइट्रोजन, फस्फोरस र पोटासको परीक्षण गरिएको थियो । यसैगरी परियोजनासम्बन्धी जानकारी सबैमा होस भनी सञ्चालक समिति गठन गरी तीनवटै स्थानीय तहका कृषि समूह, सहकारी, उद्यमी तथा जनप्रतिनिधिहरुसँग अभिमुखीकरण गोष्ठी पनि परियोजनाले सम्पन्न गरेको थियो ।

जिल्लामा ‘ओखर जोन’ कार्यक्रम लागु भएसँगै परियोजनाले नै ओखर बगैँचा व्यवस्थापनदेखि बजारीकरण र औद्योगीकरणसम्म सहयोग र सहकार्य गर्ने भएपछि ओखर खेतिप्रति आफूहरु निकै उत्साहित भएको कृषक कलबहादुर घर्तीले बताउनुभयो ।

‘ओखर खेतीप्रति किसानहरु निकै उत्साहित छन्,’ अधिकृत रेग्मीले भन्नुभयो, ‘ओखरको बिरुवाको माग पनि धेरै आएको छ, तर मागअनुसारको बिरुवा यस वर्ष पु¥याउन सकिएन ।’ यस वर्ष बजेट थोरै आएकोले कार्यक्रम गर्न समस्या भएको छ । यस वर्ष सफल भए भने अर्को वर्षबाट सबै कुरामा व्यवस्थापन गरेर अगाडि बढ्ने उहाँको भनाइ छ ।

हाडे ओखर उत्पादन भइरहेको जिल्लाका विभिन्न ठाउँहरुमा दाँते ओखरलाई व्यवसायीकरण गराउन जिल्लामा ओखर जोन’ कार्यक्रम सुरु गरिएको हो । यस क्षेत्रको अधिकांश ठाउँमा हाडे ओखर उत्पादन भइरहेको छ । यहाँको अधिकांश क्षेत्रमा दाँते ओखर उत्पादन हुने सम्भावना भएपछि कार्यव्रmम लागु गरिएको बताइएको छ ।

सिस्ने गाउँपालिकाको वडा नम्बर १, २, ४, ६, भुमे गाउँपालिकाको २, ३, ६,७, ८ र पुथा उत्तरगङ्गा गाउँपालिकाको ५, ६,७, ८, १३, १४ नम्बर वडालाइ समेटेर ‘ओखर जोन’ कार्यव्रmम सुरु गरिएको छ । कार्यक्रम सुरु भएपछि ओखर खेती गर्न चाहने कृषकलाई लाभ पुगेको कृषक घर्तीले बताउनुभयो ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राजु लामिछाने

राजु लामिछाने रुकुमका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्