नेपाल–भारत सीमा क्षेत्रमा नेकपा क्रान्तिकारीको प्रदर्शन

फागुन १७, २०७५ शुक्रबार १८:५३:२३ | गोपाल भण्डारी

कपिलवस्तु – मोहन वैद्य नेतृत्वको नेपाल कम्युनिष्ट पार्टी क्रान्तिकारीका नेता कार्यकर्ताहरुले नेपाल–भारत सीमा क्षेत्र अन्र्तगत कपिलवस्तुको महलीसागर बाँध क्षेत्रमा प्रदर्शन गरेका छन् ।

नेकपा क्रान्तिकारीको नेतृत्वको देशभक्त जनगणतान्त्रिक मोर्चाले थालेको नेपाल मेची–महाकाली अभियानका क्रममा कपिलवस्तुको सीमा क्षेत्रमा पुगेका नेकपा क्रान्तिकारीका नेताहरुले भारतीय पक्षबाट हुने गरेको सीमा अतिक्रमण, सीमा क्षेत्रमा निर्माण गरिएको बाँधबाट सिर्जित डुबान समस्यालगायतका भारतीय पक्षको कार्यहरुको चर्को विरोध गरेका छन् ।

अभियानलाई मोर्चाका महासचिव परी थापाले नेतृत्व गरेका छन् । सीमाको महलीसागर बाँध नजिक आयोजित कोण सभालाई सम्बोधन गर्दै नेता परी थापाले अहिलेसम्म सत्तामा पुगेका कुनै पनि राजनैतिक दलका नेताहरुले देशको सीमानाको रक्षा गर्न नसकेको आरोप लगाएका छन् ।

महाकालीबाट सुरु भएको मेची–महाकाली अभियानलाई आगामी २१ गते चितवन पुगेर समापन गरिने मोर्चाले जनाएको छ । मोर्चाका नेता कार्यकर्ताहरुले सदरमुकाम तौलिहवा, जितपुरलगायतका स्थानहरुमा कोण सभा सम्पन्न गरेको पार्टीका जिल्ला इञ्चार्ज समीरले बताउनु भयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोपाल भण्डारी

गोपाल भण्डारी कपिलवस्तुका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्