सीके राउतसँग गरिएको सहमतिमा जनमत संग्रह गर्ने कुरा उल्लेख छैन : प्रधानमन्त्री ओली

फागुन २७, २०७५ सोमबार १५:३४:२० | उज्यालो सहकर्मी

काठमाण्डौ – प्रधानमन्त्री केपी शर्मा ओलीले सीके राउतसँग गरिएको सहमतिमा जनमत संग्रहबारे कहीँ कतै उल्लेख नगरिएको स्पष्ट पार्नु भएको छ ।

प्रधानमन्त्री ओलीले देशको भौगोलिक अखण्डता, राष्ट्रिय स्वाधिनता र जनताको सार्वभौमसत्तामाथि जनमत संग्रह हुनै नसक्ने पनि स्पष्ट पार्नुभयो । उहाँले राष्ट्रिय एकता र लोकतन्त्रको पक्षमा जनताले चाहे मात्रै जनमत संग्रह हुन सक्ने पनि उल्लेख गर्नुभयो । सोमबार सिंहदरबारमा आयोजित राष्ट्रिय सुरक्षा परिषदको १८ औं वार्षिकोत्सव

समारोहलाई सम्बोधन गर्दै प्रधानमन्त्री ओलीले राष्ट्रिय स्वाधिनता, भौगोलिक अखण्डताको विषयलाई प्रश्न उठाउने अधिकार कसैलाई नभएको पनि स्मरण गराउनुभयो ।
राष्ट्रिय सुरक्षा परिषदका अध्यक्ष समेत रहनु भएका उहाँले पृथकतावादी आन्दोलन गरिरहेको राउत समूहले देशको भौगोलिक अखण्डताको सम्मान गर्दै मूल धारको राजनीतिमा आएको उल्लेख गर्दै प्रधानमन्त्री ओलीले देशको सुरक्षाका दृष्टिले त्यो सहमति अत्यन्तै महत्वपूर्ण उपलब्धि भएको पनि बताउनुभयो ।

कार्यक्रममा बोल्दै उपप्रधानमन्त्री एवम् रक्षामन्त्री ईश्वर पोखरेलले देशको सुरक्षाका लागि दीर्घकालीन सोचसहितको ठोस योजना बनाउन राष्ट्रिय सुरक्षा परिषद सफल हुने विश्वास व्यक्त गर्नुभयो । उहाँले सुरक्षा परिषदले मुलुकको सुरक्षा चुनौतीलाई विश्लेषण गरेर त्यसको सही समाधान दिने गरी राष्ट्रिय सुरक्षा नीति बनाउने पनि बताउनुभयो ।

कार्यक्रममा मन्त्रीहरु, प्रधानसेनापति पूर्णचन्द्र थापासहित सबै सुरक्षा अंगका प्रमुखहरुको सहभागिता रहेको थियो ।

अन्तिम अपडेट: माघ ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सीके राउतसँग गरिएको सहमतिमा जनमत संग्रह गर्ने कुरा उल्लेख छैन : प्रधानमन्त्री ओली

फाइल फाेटाे

तपाईको प्रतिक्रिया