सडकमै सवारी चालकको आँखा जाँच

फागुन २७, २०७५ सोमबार १७:१:३० | राजु लामिछाने

रुकुम पश्चिम – मध्यपहाडी लोकमार्ग र राप्ती लोकमार्गमा आवतजावत गर्ने सवारी चालकहरुको आँखा चेक गरिएको छ ।
रुकुम आँखा उपचार केन्द्र सल्लेको आयोजना र जिल्ला ट्राफिक प्रहरी कार्यालय रुकुम पश्चिमको व्यवस्थापनमा शिविर सञ्चालन गरी आँखा जाँच गरिएको हो ।
सडक दुर्घटना न्यूनिकरण अभियान अन्तर्गत बाटामै सवारी चालकहरुको आँखा जाँच कार्य थालिएको आयोजकले बताएको छ । शिविरमार्फत १ सय ३५ जनाको आँखा चेक गरिएको आँखा उपचार केन्द्र सल्लेका इन्चार्ज मञ्जु बोहराले बताउनुभयो । उहाँका अनुसार, आँखा जाँच गरिएकाहरुमा बस, ट्रक र ट्रयाक्टरका चालक र सह–चालकहरु रहेका छन् ।

जाँच गरिएकाहरुमध्ये धेरैमा रंग पहिचान र रक्तचापको समस्या रहेको इन्चार्ज बोहराले बताउनुभयो । सधैँ काममा मात्र ध्यान दिने तर स्वास्थ्य अवस्था र आँखाको जाँच नगराउने समस्यालाई मध्यनजर गरेर शिविर सञ्चालन गरिएकोहो ।

आँखा उपचार केन्द्र सल्लेका सहायक इन्चार्ज पलसिं ओलीका अनुसार, शिविरमा चेक गरिएकामध्ये दुई जनामा पूर्ण रुपमा रंग पहिचान गर्न नसक्ने, एक जनामा आंशिक रंग पहिचान गर्न सक्ने र २० जनामा दृष्टिदोष रहेका कारण उनीहरुलाई चस्मा लगाउनुपर्ने सल्लाह दिइएको छ ।

चेक गरिएकामध्ये ९० प्रतिशतमा उच्च रक्तचाप रहेको ओलीले बताउनुभयो । चेक गरिएकाहरुलाई आवश्यक औषधीका साथै परामर्श दिइएको, नियमित आँखाको जाँच गराउन सुझावसमेत दिइएको आँखा उपचार केन्द्रले जनाएको छ ।

जिल्ला ट्राफिक प्रहरी कार्यालय रुकुम पश्चिमका प्रमुख भरतबहादुर भण्डारीले ट्राफिक सचेतना तथा दुर्घटना न्यूनिकरण कार्यक्रमअन्तर्गत यो कार्यक्रम गरिएको बताउनुभयो । कार्यक्रमको प्रभाव र थप जाँचको व्यबस्थाको माग आएकोले आवश्यकता पहिचान गरी पुनः शिविर सञ्चालन गरिने आयोजकले जनाएको छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राजु लामिछाने

राजु लामिछाने रुकुमका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्