भारतीय आकाशमा छिरेको ‘संदिग्ध’ विमानलाई वायु सेनाले जयपुरमा अवतरण गरायो

वैशाख २७, २०७६ शुक्रबार २०:२५:२८ | एजेन्सी

भारतीय वायु सेनाले भारतीय आकाशमा बिनाअनुमति छिरेको एक ‘संदिग्ध’ कार्गो विमानलाई राजस्थानको जयपुरमा ल्याण्ड गराएको छ ।

भारतीय समाचार एजेन्सी एएनआईका अनुसार जर्जियाको कागो विमान एन्टोनोव एएन–१२ पाकिस्तानको कराची हुँदै भारतीय आकाशमा छिरेको हो । आफ्नो आकाशमा ‘संदिग्ध’ विमान देखेपछि भारतीय वायु सेनाको लडाकु विमानले त्यस विमानलाई राजस्थानको जयपुरमा जबरजस्ती ल्याण्डिङ गराएको हो ।

एएनआईका अनुसार त्यो विमान भारतीय आकाशको लगभग ७० किलोमिटर भित्र छिरेको थियो । कराची हुँदै त्यो विमान गुजरातको उत्तरी क्षेत्रमा पस्न खोजेको भारतीय अधिकारीहरुले जनाएका छन् ।

#WATCH: Indian Air Force fighter jets force an Antonov AN-12 heavy cargo plane coming from Pakistani Air space to land at Jaipur airport. Questioning of pilots on. pic.twitter.com/esuGbtu9Tl
— ANI (@ANI) May 10, 2019

भारतीय वायु सेनाका प्रवक्ता अनुपम बनर्जीका अनुसार शुक्रबार दिउँसो जर्जियाको विमान एएन–१२ ले दिल्लीका लागि उडान भरेको थियो । तर उसले कराची हुँदै भारतीय वायु क्षेत्र सीमा उल्लंघन गरेको भन्दै उसलाई जयपुरमा अवतरण गराइएको प्रवक्ता बनर्जीले बताए ।

अहिले विमानका पाइलटसँग सोधपुछ भैरहेको भारतीय अधिकारीहरुले जनाएका छन् । विमानले बाटो बिराएर कराची हुँदै आएको हो कि के हो भन्नेबारे अहिल्यै स्पष्ट नभएको भारतीय सञ्चार माध्यमले जनाएका छन् ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्