धनकुटामा राहदानी वितरणबाट १ करोडभन्दा बढी राजस्व संकलन

साउन १८, २०७६ शनिबार १८:२९:२० | सन्ताेष रुचाल

धनकुटा– जिल्ला प्रशासन कार्यालय धनकुटाले गएको आर्थिक वर्षमा राहदानी वितरण बापत एक करोड १३ लाख ९० हजार राजश्व संकलन गरेको छ ।

गएको आर्थिक वर्षमा जिल्ला प्रशासन कार्यालय धनकुटामा दुई हजार ९६ जनाले राहदानी लिनको लागि निवेदन पेस गरेका थिए । त्यसमध्ये गएको आर्थिक वर्षमा दुई हजार ८४ जनाले राहदानी लिएको जिल्ला प्रशासन कार्यालय धनकुटाका प्रशासकीय अधिकृत एवं सूचना अधिकारी सुधिर साफीले बताउनु भयो ।

त्यसैगरी राहदानी लिनको लागि निवेदन पेस गर्नेमा ६ सय ७ जना महिला र एक हजार ४ सय ८९ जना पुरुष रहेका छन् । जिल्ला प्रशासन कार्यालय मार्फत राहदानी लिँदा ढिलो हुने भएपछि चाँडो राहदानीका लागि कार्यालयले ९ सय ८० जनाको निवेदन काठमाण्डौ सिफारिस गरेको थियो । कार्यालयले सिफारिस गरेकामध्ये चार सय ४० जना महिला र पाँच सय ४० जना पुरुष रहेको सूचना अधिकारी साफीले जानकारी दिनुभयो ।

कार्यालयबाट वितरण गरिएको राहदानी लिनेहरुमा पाँच सय ८७ जना महिला र एक हजार ४ सय ९७ जना पुरुष गरी दुई हजार ८४ जना मात्र रहेका छन् । बाँकी रहेका राहदानी कार्यालयमा आइसकेको भए पनि गएको आर्थिक वर्षभित्रमा लिन आएका छैनन् ।

बितेका वर्षहरुको तुलनामा गएको वर्ष महिलाहरुले राहदानी लिने क्रम बढेर गएको छ । वैदेशिक रोजगारीमा जानको लागि महिलाहरु बढी मात्रामा राहदानी बनाउन आउने गरेको सूचना अधिकारी साफीले बताउनु भयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सन्ताेष रुचाल

रुचाल धनकुटाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्