बालकोटको कपास उद्योगमा आगलागी, २५ लाख क्षति भएको अनुमान

असोज ५, २०७६ आइतबार ९:१४:५५ | उज्यालो सहकर्मी

भक्तपुर – सूर्यविनायक नगरपालिका–२ बालकोटमा सञ्चालित मनकामना कपास उद्योगमा आइतबार बिहान आगलागी भएको छ । भोजपुर षडानन्द नगरपालिका –४ दिङलाकी सरिता चौलागाईंले सञ्चालन गरेको कपास उद्योगमा बिहान ५ बजे आगो लागेको कामदारले बताएका छन् ।

के कारणले आगोलागी भयो भन्ने यकिन नभए पनि आगोलागीका क्रममा उद्योगमा रहेको ग्यास सिलिन्डरसमेत विस्फोट भएपछि कारखानामा आगो फैलिएको थियो ।

दमकल, नेपाल प्रहरी, नेपाली सेना र स्थानीयबासिन्दाको सहयोगमा अहिले आगो नियन्त्रणमा आएको महानगरीय प्रहरी वृत्त थिमिले जानकारी दिएको छ । आगलागीबाट कारखानामा रहेका कपाडा, कपडा पेलेर बनाइएको कालो कपास, मेसिन औजार र अन्य सामान जलेर नष्ट भएका छन् ।

प्रहरीका अनुसार आगलागीबाट करिब २० देखि २५ लाख रुपैयाँको क्षति अनुमान भएको र क्षतिको विवरण संकलन गर्ने काम भइरहेको छ ।

अन्तिम अपडेट: माघ २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्