अब ट्विटरमा राजनीतिक प्रचार गर्न नपाइने, ट्रम्पको चुनावी अभियान प्रभावित हुने

कात्तिक १४, २०७६ बिहीबार ११:१४:५६ | एजेन्सी

सामाजिक सञ्जाल ट्विटरले राजनीतिक प्रचारलाई प्रतिबन्ध लगाउने भएको छ । राजनीतिक सम्मान किन्नेभन्दा कमाउनुपर्ने विषय भएको भन्दै ट्विटरले आउँदो नोभेम्बर २२ देखि राजनीतिक प्रचारमा प्रतिबन्ध लगाउने निर्णय गरेको छ ।

ट्विटरका प्रमख प्रशासकीय अधिकृत ज्याक डोर्सीले व्यवसायिक प्रयोजनका लागि इन्टरनेटका माध्यमबाट गरिने प्रचार अति शक्तिशाली र प्रभावकारी भए पनि यस्तो खालको शक्ति र प्रभावले राजनीतिमा गम्भीर चुनौती ल्याउने बताएका छन् । ट्विटरले यससम्बन्धी थप विवरण नोभेम्बर १५ सम्ममा जारी गर्ने पनि उल्लेख गरेको छ ।

ट्विटरको यो निर्णयले अमेरिकामा आउँदो वर्ष हुने राष्ट्रपति चुनावका लागि प्रचार अभियानलाई विभाजित गरेको छ । यो निर्णय राष्ट्रपति ट्रम्प र कन्जर्भेटिभ पार्टीलाई चुनावको प्रचार गर्न चुप लगाउने प्रयास स्वरुप रहेको ट्रम्पको चुनावी अभियानका व्यवस्थापक ब्राड पास्र्केलले आरोप लगाएको बीबीसीले जनाएको छ ।

तर डेमाेक्रेटिक पार्टीका तर्फबाट राष्ट्रपतिको उम्मेदवार बन्ने होडमा सबैभन्दा अघि रहेका जो बाइडेन पक्षले भने प्रजातन्त्रको रक्षाका लागि यो राम्रो निर्णय रहेको प्रतिक्रिया दिएका छन् ।

यद्यपि सामाजिक सञ्जाल फेसबुकले भने भर्खरै मात्र राजनीतिक विज्ञापनको प्रचारमाथिको प्रतिबन्ध हटाएको थियो ।

फेसबुकका संस्थापक मार्क जुकरबर्गले भने आफ्नो कम्पनीको नियमको बचाउ गर्दै भनेका छन्, ‘प्रजातन्त्रमा निजी कम्पनीहरुले राजनीतिज्ञ र समाचारलाई प्रतिबन्ध लगाउनु उचित हुँदैन ।’

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्