यस्ताे पनि रहर: जेलमा नि:शुल्क खान, बस्न पाइने भएकोले पटक पटक चोरी

कात्तिक २१, २०७६ बिहीबार १७:१६:२० | राजु लामिछाने

रुकुम पश्चिम - रुकुम पश्चिमका एक युवाले जेलभित्र नि:शुल्क खान, बस्न पाइने भएकाले रहरले चोरी गर्ने गरेको प्रहरी समक्ष बताएका छ्न् ।

मुसीकोट नगरपालिका-१, खलंगाको त्रिवेणी चोकमा रहेकाे एउटा मोबाइल पसलमा चोरी गरेको आरोपमा पक्राउ परेका मुसीकोट नगरपालिका-२, रातामाटाका २० वर्षीय राजु परियारले जेलमा कामै नगरी खान, बस्न र दिनरात बिताउन पाइने भएकोले चोरी गर्ने गरेको प्रहरी बयान प्रहरीलाई दिएका छन ।

जिल्ला प्रहरी कार्यालय रुकुम पश्चिमका अनुसार परियारले कार्तिक १६ गते राति समयमा त्रिवेणी गाउँपालिका-५ का निर्मल विकको मोबाइल पसलमा चोरी गरेका थिए । परियारलाई मुसीकोट नगरपालिका-१, खलंगाबाटै पक्राउ गरिएको र उनको साथबाट ३ तीन थान मोबाइल, ३ थान मोबाइलको ब्याट्री र चार हजार तीन सय ८० रुपैयाँ नगद बरामद गरिएको जिल्ला प्रहरी प्रमुख प्रहरी नायब उपरीक्षक सुमित खड्काले जानकारी दिनुभयो ।

प्रारम्भिक अनुसन्धानका क्रममा परियारले यस अघि पनि चोरीको मुद्दामा कैद भुक्तान गरिसकेको र जेलमा नि:शुल्क खान र बस्न पाइने भएले फेरि चोरी गरेको खुलेको डीएसपी खड्काले बताउनुभयो । परियारले यसअघि २०७३ कार्तिक २३ गते मुसीकोट-१, खलंगाको एक घरमा चोरी गरेको मुद्दामा तीन वर्ष कैद भुक्तान गरेको प्रहरीको भनाइ छ ।

उनीमाथि चोरी तथा डाँकासम्बन्धी कसुर मुद्दामा जिल्ला अदालतबाट म्याद थप गरी अनुसन्धान भैरहेको प्रहरीले जनाएको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राजु लामिछाने

राजु लामिछाने रुकुमका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्