विपन्न परिवारलाई नगरपालिकाले किनिदियो सहकारीको शेयर

साउन २, २०७५ बुधबार ९:१५:५७ | राजु लामिछाने

रुकुम पश्चिम – जिल्लाको आठबीसकोट नगरपालिकाले ६ सय ७३ विपन्न परिवारका लागि सहकारीमा शेयर लगानी गरिदिएको छ ।

विपन्न परिवारको पहँच सहकारीमा पुर्‍याई आर्थिक रुपमा सबल बनाउने उद्धेश्यले प्रति परिवार ५ हजारका दरले शेयर लगानी गरिएको नगरपालिकाले जनाएको छ ।
नगरपालिकास्थित आठबीसकोट बचत तथा ऋण सहकारी संस्थामा नगरपालिकाका १४ वटै वडाबाट विपन्न परिवारको नाममा शेयर लगानी गरिदिएको निमित्त प्रमुख प्रशासकीय अधिकृत रामबहादुर केसीले जानकारी दिनुभयो । उहाँका अनुसार विपन्नको सूचीमा परेका सबै ६ सय ७३ जना घरपरिवारको नाममा सहकारीमा नगरपालिकाले ३३ लाख ६५ हजार खर्च गरेको छ ।

आर्थिक रुपमा विपन्न परिवार पनि सहकारीमा शेयरधनीका रुपमा जोडिन सकून र सहकारीबाट ऋणलगायतका सेवा पाउन भन्नका लागि नगरका तर्फबाट शेयर हालिदिएको नगर प्रमुख गोर्खबहादुर केसीले बताउनुभयो । वडाको सिफारिसमा आएका घरपरिवारको नाममा नगरले शेयर लगानी गरिदिएको हो ।

नगरपालिकाले दिएको जानकारी अनुसार सबै वडाबाट प्रति एक हजार जनसंख्या बरावर २० विपन्न परिवार छनौट गरिएको छ । जसअनुसार सबैभन्दा बढी वडा नं. ११ बाट ८७ परिवार र सबैभन्दा कम वडा नं. १ बाट २२ परिवारको शेयर नगरपालिकाले हालिदिएको छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राजु लामिछाने

राजु लामिछाने रुकुमका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्