ईरानकाे ५२ ठाउँलाई निसाना बनाइएकाे छ, जुनसुकै बेला आक्रमण गर्न सक्छाैँ : डाेनाल्ड ट्रम्प

पुष २०, २०७६ आइतबार ८:५:३४ | एजेन्सी

काठमाण्डौ – अमेरिकी राष्ट्रपति डोनाल्ड ट्रम्पले ईरानलाई चेतावनी दिँदै अमेरिकाले ईरानको ५२ ठाउँलाई निशाना बनाएको बताएका छन् ।

ईरानले कोही अमेरिकी नागरिक र अमेरिकी सम्पत्तिमाथि आक्रमण गर्छ भने उसमाथि ‘निकै छिटो र निकै मजबुत तरिका’ बाट आक्रमण गर्ने ट्रम्पले चेतावनी दिएका छन् ।

ईरानको कुद्स फोर्सका शीर्ष कमाण्डर कासिम सुलेमानीको हत्यापछि अमेरिकी राष्ट्रपति डोनाल्ड ट्रम्पको यो बयान आएको हो । गएको शुक्रबार अमेरिकी हवाई आक्रमणमा सुलेमानीको ज्यान गएको थियो ।

यो घटनापछि ईरानले सही समय र सही ठाउँमा यसको बदला लिने बताएको छ ।

ट्रम्पले ट्वीट गर्दै भने, ‘ईरान अमेरिकी सम्पत्तिलाई निशाना बनाएको सन्दर्भमा निकै साहसपूर्वक बोलिरहेको छ ।’

ट्रम्पले ईरानको ५२ ठाउँलाई निशाना बनाएको बताउँदै भने, ‘निकै महत्वपूर्ण छ । ईरान र उसको संस्कृतिको लागि निकै महत्वपूर्ण छ । ऊ निशानामा छ, ईरानले अमेरिकामाथि आक्रमण गर्छ भने निकै छिटो र मजबुतीका साथ आक्रमण गरिनेछ ।’

— Donald J. Trump (@realDonaldTrump) January 4, 2020

‘अमेरिका अब अरु धम्की चाहँदैन’, अमेरिकी राष्ट्रपति डोनाल्ड ट्रम्पले भने ।

ट्रम्पले ती ५२ ठाउँले अमेरिकाको प्रतिनिधत्व गर्ने बताए, जसलाई सन् १९७९ मा ईरानले एक वर्षसम्म बन्दी बनाएर राखेको थियो ।

याे पनि पढ्नुस्

हवाई आक्रमणमा ईरानकाे कुद्स फाेर्सका प्रमुख साेलेमानीकाे ज्यान गयाे

सैन्य कमाण्डर हत्या गर्ने अमेरिकासँग बदला लिने इरानको चेतावनी

'सुलेमानीकाे हत्यापछि इराकमा रकेट आक्रमण'

इराकी सेनाले राजधानी बगदादसहित कैयाैँ इलाकामा रकेट आक्रमण भएकाे बताएकाे छ । याे रकेट आक्रमण अमेरिकी दूतावासनजिक ग्रीन जाेन, बगदादनजिक जदरिया र अमेरिकी सुरक्षा बल रहेकाे बलाद एअरबेस भएकाे जनाइएकाे छ ।

सेनाले यी आक्रमणमा कसैकाे पनि ज्यान नगएकाे जनाएकाे छ । ईरान समर्थित लडाकुले गएकाे केही हप्तादेखि यस्ताे आक्रमण गर्दै आइरहेका छन् । तर अब अमेरिकाले गरेकाे हवाई आक्रमणमा ईरानका सेना कमाण्डर कासिम सुलेमानीकाे ज्यन गएपछि याे तनाव अझ बढेकाे छ ।

कताइब हिजबुल्ला मिलिसियाले एक बयान जारी गर्दै अमेरिकी बेसलाई कम्तीमा एक हजार मिटर पछि हटाउन इराकी सेनाले भनेकाे थियाे ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्