ईरानकी एकमात्र महिला ओलम्पिक पदक विजेताले गरिन् देश छोड्ने फैसला

पुष २८, २०७६ सोमबार ८:५४:३१ | एजेन्सी

ईरानकी एकमात्र महिला ओलम्पिक पदक विजेता किमिया अलीजादेहले देश छोड्ने फैसला गरेकी छिन् ।

२१ वर्षीया किमिया यसबारेमा सामाजिक सञ्जालमा एउटा पोस्ट लेखेकी छिन्, जसका अनुसार उनी ईरानमा ‘पाखण्ड, भुट, अन्याय र चाप्लुसी’ को हिस्सा बन्न चाहँदिनन् ।

उनले आफैलाई ईरानका सताइएका लाखौँ महिलामध्ये एक मानेकी छिन् । किमिया यो समय कहाँ छिन्, उनले केही पनि जानकारी दिएकी छैनन् । तर ईरानी सञ्चारमाध्यमका अनुसार उनी प्रशिक्षणको क्रममा न्युजिल्याण्डमा हुन सक्ने बताइएको छ ।

उनले सन् २०१६ को रियो ओलम्पिकमा तेक्वान्दोमा कांस्य पदक जित्दै ईरानका लागि इतिहास रचेकी थिइन् ।

उनले सामाजिक सञ्जालको पोस्टमा ईरानका अधिकारीहरुले आफ्नो सफलतालाई प्रोपोगाण्डाको रुपमा प्रयोग गरेको आरोप लगाएकी छिन् ।

ईरानमा सरकारविरुद्ध प्रदर्शन चर्किरहँदा किमियाले देश छोड्ने फैसला गरेकी हुन् । गएको बुधबार युक्रेनी यात्री विमान भुलवश मिसाइल प्रहारबाट खसालिएको र दुई दिनसम्म झुट बोलेको भन्दै ईरानका जनता सडकमा उत्रिएर प्रदर्शन गरिरहेका छन् ।

यसबाहेक पछिल्लो दिनयता ईरान र अमेरिकाबीच तनाव बढिरहेको छ ।

अधिकारीहरुले गरे अपमान

किमियाले आफ्नो सामाजिक सञ्जाल पोस्टमा लेखेकी छिन्, ‘म ईरानमा सताइएका लाखौँ महिलामध्ये एक हूँ, मैले वर्षाैँसम्म देशको लागि खेलेँ । अधिकारीहरुले जे भने मैले मानिरहेँ । सबै आदेशको पालना गरेँ तर उनीहरुका लागि हाम्रो कुनै महत्व छैन । हामीलाई केवल प्रयोग हुने हतियार बनाइयो ।’

साथै उनले युरोपबाट आकर्षक प्रस्ताव आएको भन्ने खबर साँचो नभएको र कहाँ जाने भनेर निर्णय नगरिसकेको बताइन् । गएको हप्ता उनी गायब भएको खबर बाहिरिएपछि ईरानीहरुले झट्का लागेको प्रतिक्रिया दिएका थिए ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्