अमेरिका–चीनले व्यापार सम्झाैताकाे पहिलाे चरणमा हस्ताक्षर गरे, १८ महिनापछि तनाव समाप्त !

माघ २, २०७६ बिहीबार ७:४५:३२ | एजेन्सी

काठमाण्डौ – अमेरिका र चीनले गएको १८ महिनादेखि चलिरहेको व्यापार युद्ध समाप्त गर्ने दिशामा पहिलो कदम बढाएका छन् ।

दुवै देशले बुधबार सम्झौताको पहिलो चरणमा हस्ताक्षर गरे । गएको डिसेम्बरमा अमेरिका र चीन सरकारले व्यापार सम्झौताको दिशामा अघि बढ्ने निर्णय लिएका थिए ।

सम्झौताको पहिलो चरणअन्तर्गत चीनबाट आयात हुने सामानमा लगाइएको केही नयाँ कर फिर्ता लिने घोषणा गरिएको छ र त्यसबापत चीनले अमेरिकासँग धेरै कृषि उत्पादन खरिद गर्नेछ ।

पहिलो चरणको सम्झौतामा हस्ताक्षरसँगै अमेरिकी राष्ट्रपति डोनाल्ड ट्रम्पले चीनसँगको दोस्रो चरणको वार्ता पनि छिट्टै सुरु हुने बताए ।

पहिलो चरणको सम्झौता कार्यान्वयनमा आउने बित्तिकै फेरि यी दुई देश दोस्रो चरणको वार्तामा अघि बढ्नेछन् । यद्यपि सयौँ अरब डलरको चिनियाँ आयातमा कर पहिलेको अनुसार नै लागिरहनेछ । ट्रम्पले दोस्रो चरणको वार्ताको लागि सहमति जुटेपछि अतिरिक्त कर फिर्ता लिने बताएका छन् ।

ट्रम्पले यो सम्झौतालाई ऐतिहासिक भएको संज्ञा दिएका छन् । चीनले आउँदो दुई वर्षमा दुई सय अर्ब अमेरिकी डलरभन्दा बढी अमेरिकी सामान आयात गर्नेछ । जसमध्ये ५० अर्ब डलरको कृषि उत्पादन, ७५ अर्ब डलरको निर्माणसम्बन्धी र ५० अर्ब डलर ऊर्जा क्षेत्रसँग सम्बन्धित हुनेछ ।

सम्झौता कार्यक्रममा चीनको तर्फबाट उपप्रधानमन्त्री लियु ही र अन्य अधिकारी उपस्थित थिए ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्