एक्कासी परीक्षा राेकिँदा बालबालिकामा परेकाे असरलाई कसरी कम गर्ने ?

चैत ६, २०७६ बिहीबार २०:१५:५० | विना न्याैपाने

काठमाण्डाै - सरकारले कोरोना भाइरसको जोखिम कम गर्न आवश्यक नपरेसम्म घरबाहिर नजान र २५ जनाभन्दा धेरै एक ठाउँमा भेला नहुन आग्रह गरेको छ ।

काेराेना भाइरसकाे सङ्क्रमणलाई मध्यनजर गर्दै माध्यमिक शिक्षा परीक्षा एसईई स्थगित भएकाे छ भने विद्यालय क्याम्पस र विश्वविद्यालय बन्द भएका छन् । अन्तिम समयमा परीक्षा स्थगित हुँदा परीक्षाकाे तयारी गरिरहेका परीक्षार्थीमा असर पुर्‍याएकाे छ ।

यसले तुलनात्मक रुपमा धेरै संवेदनशील हुने बालबालिकालाई धेरै असर गर्छ । नियमित जस्ताे राम्राे नतिजा ल्याउने विद्यार्थी अझै प्रभावित भएका छन्। पढ्ने र पढाउने वातावाण रोकि‌ँदा बालबालिकाले पढेका कुरा बिर्सने संभावना धेरै हुन्छ । यसले बालबालिकाको मनाेवल कमजोर बनाउछ भने उनीहरुमा धेरै आत्तिने, डराउने समस्या आउन सक्छ ।

यो असरलाई कम गर्न के गर्ने ?

- पढाइलाई रिभ्यू गराउने ।

- शिक्षकले विद्यार्थीलाई सान्त्वनाको साथै काउन्सेलिङ गरिरहने ।

- उनीहरुको अगाडि नकरात्मक कुरा नगर्ने (जस्तै : यत्रो मेहनत खेर गयो, तैले पढेको काम लागेन भनने जस्ता शब्दको प्रयोग नगर्ने ।)

- कसैले पनि तर्साउने तथा भयावह अबस्था आउन नदिने ।

- कुनै पनि खालको चिन्ता तथा तनाव दिने काम नगर्ने ।

घरमा अभिभावकले के गर्ने ?

- सबैभन्दा पहिला परीक्षा रोकिएको बालबालिकालाई धेरै मानसिक तनाव छ, त्यसैले यसलाई कम गर्ने कोसिस गर्ने ।

- तनाव हटाउनका लागि वातावरण सहज बनाइदिने ।

- मासिक तनाव हटाउनको लागि योग, ध्यान गर्ने, गीत सुन्ने, नाच्न लगाउने

- नकरात्मक कुरा गर्दैे नगर्ने ।

- समय तालिका (रुटिन) अभिभावकले नै बनाएर फलो गर्न लगाउने ।

- पढाइको साथ साथै उत्प्रेरित गर्ने खालको कुरा गर्ने ।

- जतिबेला पनि पढ पढ भनेर कर नगर्ने ।

- उनीहरुलाई एक दुई दिन रिल्याक्स हुन दिने, अनि बल्ल बिस्तारै पढाइमा ध्यान लैजाने ।

- भान्सामा खाना बनाउन लगाउने, उनीहरुलाई जे गर्न मन पर्छ हरेक दिन केही समय छुट्याएर त्यो काम लगाउने ।

- अनि पढेको कुरालाई हरेक दिन सम्झिन लगाउने ।

(साथी विना न्यौपानेले मनाेविद् डाक्टर गंगा पाठकसँग गरेको कुराकानीमा आधारित )

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विना न्याैपाने

विना न्याैपाने उज्यालाेमा कार्यरत हुनुहुन्छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्