सर ! मलाई पास हुनैपर्छ नभन्नू है

चैत २७, २०७६ बिहीबार ११:५९:३ | रिजन मडै

सर ! मलाई पास हुनैपर्छ भनि जबर्जस्ती नगर्नू है
किनकि मेरो साथी पास भएपछि बिदेसिएको छ
गाउँका विकृति छुटाउन नपाउँदै छुटिन्छ
सानो छँदा आमाले काखमा लेखाएको गुन तिर्न नपाउँदै
रोजगारीको लागि भौतारिन्छ ।

सर प्लिज मलाई पास हुनैपर्छ नभन्नू है
किनकि बालापनको दोस्ती अझै मजबुत बनेको छैन
सुख, दुःख अझै साट्न पुगेको छैन
होमवर्क मिलेर बनाए झैँ जिन्दगी मिलाएको छैन ।

सर मलाई पास हुनैपर्छ नभन्नू है
किनकि उसलाई पछ्याउँदै म अगाडि हिँड्न पाउँदिन
गीत गाउँदै अरुको खिसिट्याउ उडाउन मिल्दैन
ऊ बस्ने ठाँउ मलाई बस्न मन लाग्दैन ।

सर प्लिज मलाई पास हुनैपर्छ नभन्नू है
किनकि म कक्षाको अङ्कमा फेल भए पनि जिन्दगीमा पास हुनेछु
नतिजामा फेल भए पनि समाजमा पास हुनेछु
म जस्तै हाम्रा सपना सिउनमा पास हुनेछु ।

प्लिज सर मेरो साथी र मलाई नछुटाइदिनू
हामी पास भए त बिदेसिन्छौँ
त्यसैले त सर
मलाई पास हुनैपर्छ नभन्नू है ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

रिजन मडै

मडै बैतडीका स्थानीयवासी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्