ट्राफिक प्रहरी आफैँ अलमलमा, फेरि भन्यो- मोटरसाइकलमा एक जना मात्रै चढ्न पाउने

असार १, २०७७ सोमबार ८:३७:५१ | उज्यालो सहकर्मी

काठमाण्डाै - सोमबार बिहान मोटरसाइकलमा जोर बिजोर प्रणाली लागू भएको र दुई जना चढ्न पाउने बताएको ट्राफिक प्रहरीले फेरि मोटरसाइकलमा एक जना मात्रै चढ्न पाउने बताएको छ ।

सोमबार बिहान यात्रु सहजताका लागि दुई जना यात्रु ओहोरदोहोर गर्न दिने बताएका महानगरीय ट्राफिक प्रहरी महाशाखाका प्रमुख प्रहरी वरिष्ठ उपरिक्षक भिमप्रसाद ढकालले फेरि यसमा अलमल भएको भन्दै मोटरसाइकलमा एक जना मात्रै यात्रा गर्न मिल्ने स्पष्ट पार्नुभएको हो । उहाँले भन्नुभयो, ‘अलमल भयो, अहिलेसम्म मोटरसाइकललाई पनि जोर बिजोरमा चलाउने र एक जना मात्रै चढ्ने व्यवस्था नै कार्यान्वयन गरेका छौँ ।’

मोटरसाइकलमा दुई जना यात्रा गर्न नपाउने नियमको अहिले व्यापक विरोध भइरहेको छ । गएको शुक्रबार चार पाङग्रे निजी गाडीलाई जोर बिजोर प्रणालीमा चलाउने निर्णय भएको थियो भने सोमबारदेखि दुई पाङग्रेमा यो नियम लागू भएको महानगरीय ट्राफिक प्रहरी महाशाखाले जनाएको छ ।

यस्तै, सरकारले अझै केही दिन सार्वजनिक गाडी भने चलाउन रोक लगाएको छ । कोरोना भाइरसको जोखिम बढिरहेकाले सार्वजनिक गाडी तत्काल चल्ने छैनन् । यस्तै, लकडाउन खुकुलो भएसँगै काठमाण्डौँ उपत्यकाका सडकमा गाडीको चाप बढेको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

किशोर अधिकारी
June 15, 2020, 12:41 p.m.
के कार्यालय पनि एक दिन जाने अर्को दिन नजाने ? गाडी नहुने एउटै परिवारको एकजना सँधै पछाडि बसेर बाईक वा स्कुटरमा बाट कार्यालय जानेहरु कसरी कार्यालय जाने ? घरबाट २ -४ कि. मि. दुरीमा कार्यालय हुनेहरु त ल हिँडेरै जालान् रे तर १०-१२ कि.मि. टाढाबाट दैनिक कार्यालय जानुपर्नेहरु चाहिँ कसरी जाने न त कुनै सार्वजनिक सवारीसाधन नै चलेका छन् । बरु सार्वजनिक सवारी साधनमा जानु भन्दा एउटै घरको परिवार त सँगै दुई पांग्रेमा जानु नै सुरक्षित हुन्छनी ।बरु कम्तिमा पनि दिनहुँ कार्यालय जानुपर्नेहरुको लागि जोर बिजोर नभनी दुवै जनाको कार्यालयको परिचयपत्र तथा नाता खुल्ने पत्र हेरी कार्यालय जान आउन पाउने व्यबस्था सहज गरिदिनु अत्यावश्यक छ । यो कुरा सम्बन्धित निकायलाई ध्यानाकर्षण गराउन चाहन्छु ।
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

ट्राफिक प्रहरी आफैँ अलमलमा, फेरि भन्यो- मोटरसाइकलमा एक जना मात्रै चढ्न पाउने

1 Comments

किशोर अधिकारी

तपाईको प्रतिक्रिया

तपाईको प्रतिक्रिया