चौरजहारी अस्पतालमा सोमबार पनि झडप, ९ शेल अश्रु ग्यास प्रहार

साउन २१, २०७५ सोमबार २०:२८:११ | राजु लामिछाने

रुकुम – डाक्टरको लापरबाहीले बिरामीको ज्यान गएको भन्दै आक्रोशित भएका आफन्त र प्रहरीबीच सोमबार पनि चौरजहारी अस्पतालमा झडप भएको छ ।

शुक्रबार भेरी नगरपालिका वडा नम्बर १३ कुदु जाजरकोटकी यसोधा मल्ल आरसीलाई उपचारको लागि रुकुमको चौरजहारी अस्पताल अस्पताल गरिएको थियो तर उहाँको आइतबार दिउँसो ज्यान गएपछि आफन्तले चिकित्सकको लापरबाहीका कारण बिरामीको ज्यान गएको भन्दै अस्पताल प्रशासनप्रति आक्रोशित भएका हुन् ।

पत्थरी र मृगौलाको समस्याबाट पीडित मल्ललाई आइतबार आफन्तले उपचारको लागि काठमाडौं लैजान हेलिकप्टर बोलाएपछि चिकित्सकले उहाँलाई मृतक घोषणा गरेका थिए । मल्ललाई मृतक घोषणा गरेपछि अस्पतालमा तनाव उत्पन्न भएको थियो ।

आइतबार आक्रोशित आफन्तले अस्पतालको ओपीडी, इमरजेन्सी, लेखा शाखा र प्रतिक्षालयमा तोडफोड गरेका थिए । घटनालाई नियन्त्रमा लिन प्रहरीले आइतबार दुई राउण्ड हवाई फायर गरेको थियो । आइतबार सुर्खेत, जाजरकोट, सल्यान, रुकुम पूर्वबाट प्रहरी थप गरी घटनास्थललाई नियन्त्रणमा लिने प्रयास भएको थियो ।

सोमबार पनि बिरामीका आफन्तले अस्पतालमा आक्रमण गर्दा चारजना प्रहरी घाइते भएका छन् । प्रहरीले झडपलाई नियन्त्रणमा लिन ९ शेल अश्रु ग्यास प्रहार गरेको छ । मृतकका आफन्त पनि झडपमा घाइते भएको जनाइएको छ । घाइतेको एकीन विवरण आएको छैन् ।

सोमबार अस्पतालका निर्देशक कपिल शर्मा विवाद मिलाउन अस्पतालतर्फ आउँदै गरेको जनाइएको छ । उहाँ आएपछि मृतकका आफन्त र अस्पताल प्रशासनबीच वार्ता हुने अस्पताल प्रशासनले जनाएको छ ।

मृतकका आफन्तले मृतकका बच्चाको पढाई, मृतक भएकाको उपचारमा लागेको खर्च बेहोर्नुपर्ने र क्षतिपूर्ति दिनुपर्ने माग राखेका छन् । उनीहरुले घटनाका दोषिलाई कारबाही गर्नुपर्ने माग राखेका छन् ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राजु लामिछाने

राजु लामिछाने रुकुमका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्