कालीकोट पहिरो अपडेट : चार जनाको ज्यान गयो, तीन बेपत्ता

भदौ १४, २०७७ आइतबार १८:११:२ | उज्यालो सहकर्मी

कालीकोट – तिलागुफा नगरपालिका १ नाग्म बजारमा गएको पहिरोमा परेर ज्यान गुमाउनेको सङ्ख्या चार पुगेको छ । आइतबार बिहान साढे ७ बजेतिर गएको पहिरोमा पुरिएरका नाग्म बजारका चार जनाको ज्यान गएको जिल्ला प्रहरी कार्यालयका प्रमुख, डीएसपी श्यामबाबु ओलीयाले जानकारी दिनुभयो ।

उहाँका अनुसार कालीकोट र जुम्लाको सिमानामा रहेको नाग्म बजारमा गएको पहिरोमा ज्यान गुमाउनेमा नाग्म बजारमा व्यापार व्यवसाय गर्ने ४० वर्षीय परेक शाही, उहाँका पाँच वर्षीय छोरा निराजन, दुई महिनाको छोरा अक्कल र सात वर्षीया छोरी हिमा रहेका छन् । उहाँकी श्रीमती पुन्या शाही र स्थानीय अर्जुन हमालको उद्धार गरी उपचारका कर्णाली स्वास्थ्य विज्ञान प्रतिष्ठान जुम्ला पठाइएको छ ।

पहिरोमा तीन जना अझै बेपत्ता छन् । मनवीर कटुवाल, आइती खड्का र उहाँको मासु पसलमा काम गर्ने एक जना बेपत्ता छन् । उनीहरुको खोजीमा नेपाल प्रहरी, सशस्त्र प्रहरी र स्थानीयवासी जुटेका छन् ।

पहिरोमा चार घर पुरिएको डीएसपी ओलीयाले बताउनुभयो ।

अन्तिम अपडेट: पुस २७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्