सेनाले सडक खोलेपछि स्थानीय खुशी

साउन २४, २०७५ बिहीबार १४:४७:४४ | विमल बिष्ट

डोटी – वर्षाका कारण एक महिनादेखि अवरुद्ध भएको डोटीको केआईसिंह गाउँपालिकाको–६, र ७ नम्बर वडा जोड्ने १२ किलोमिटर सडक नेपाली सेनाले खोलेको छ ।

सुदूरपश्चिम पृतना तथा गुरुबक्स गुल्मका करिब एक सय १० जना सैनिक तथा केआई सिंह गाउँपालिकाको जेसीबीले महिनौंदेखि अवरुद्ध भएको सडक बिहीबार खोलेको हो । सडक अवरुद्ध भएपछि स्थानीय नागरिकलाई निकै सास्ती भएको थियो । सडक अवरुद्ध हुँदा स्थानीयलाई आवत–जावतमा पनि निकै समस्या भएको थियो ।

गाउँपालिकाका अध्यक्ष लोकेन्द्रबहादुर शाही तथा वडाअध्यक्ष हर्कबहादुर विष्टको आग्रहमा नेपाली सेनाको सुदूरपश्चिम पृतना तथा मातहतका सैनिकहरुले सडक खोलेका हुन् । वर्षादका कारण सडकका विभिन्न भागमा पहिरो आउनुका साथै सडकको बीच भागमा चिरा परेर यातायातका साधन चलाउन बन्द भएको थियो ।

सडक अवरुद्ध हुँदा स्थानीयनागरिकलाई मर्का परेको खबर पाएपछि आफूहरुले सडक मर्मत गरी पुनः सुरु गरेको सुदूरपश्चिम पृतनाका पृतनापति तथा उपरथी झंकरबहादुर कडायतले बताउनुभयो ।

‘सेना र नागरिकको सम्बन्ध सुमधुर होस भन्ने हाम्रो चहना हो’, पृतनापति तथा उपरथी कडायतले भन्नुभयो, ‘सडक अवरुद्ध हुँदा नागरिकलाई दुःख भयो भन्ने हामीले खबर पायौं र आफ्नो जनशक्ति लगेर सडक सुरु गरायाैं ।’

सेनाले अवरुद्ध भएको सडक खोलेपछि त्यो गाउँपालिकाका स्थानीय सेनाप्रति निकै खुशी भएको सलेनाका स्थानीय जगतबहादुर बलायरले बताउनुभयो । उहाँले भन्नुभयो, ‘सडक अवरुद्ध हुँदा हामीलाई निकै सास्ती भएको थियो, बिरामी समेत समयमै अस्पताल पुर्‍याउन सकेका थिएनौं, सडक सुरु गरेकोमा सेनालाई धन्यवाद छ ।’

सेनाले केआई सिंह गाउँपालिकाको जेसीबी तथा आफ्नो जनशक्ति प्रयोग गरेर सडक किनारामा नाली समेत निर्माण गरी अवरुद्ध भएको सडक सुरु गराउन सफल भएको छ ।

वर्षाले वडा कार्यालयसम्म अवरुद्ध भएको सडक सेनाले खोलेपछि अहिले यातायातका साधनहरु चलाउन सजिलो भएको त्यो सडकमा यातायात चलाउने चालकहरु बताउँछन् ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्