सिन्धुलीमा पनि कोरोना परीक्षण सुरु

मंसिर ७, २०७७ आइतबार २०:१५:१३ | बाबुराम देवकोटा

सिन्धुली – सिन्धुलीमा आइतबारदेखि कोरोना भाइरस परीक्षणका लागि स्वाब सङ्कलन सुरु भएको छ ।

सामाजिक विकास मन्त्रालय वाग्मती प्रदेश सरकारले सिन्धुली अस्पताललाई पीसीआर मेसिन सहयोग गरेसँगै कोरोना परीक्षण सुरु गरिएको हो । वाग्मती प्रदेश सरकारका सामाजिक विकासमन्त्री युवराज दुलालले कोभिड–१९ सदरमुकाम सिन्धुलीमाढीमा पीसीआर मेसिनको उद्घाटन गर्नुहुँदै सहज रुपमा गुणस्तरीय सेवा दिन आग्रह गर्नुभयो ।

कोरोना सङ्क्रमणको जोखिम बढेसँगै वाग्मती प्रदेश सरकारले हेटौँडा, काभ्रे, भक्तपुर, त्रिशूली र सिन्धुलीमा पीसीआर मेसिन जडान गरी सेवा दिएको उहाँले बताउनुभयो ।

सिन्धुली अस्पताललाई ५० शय्याबाट क्षमता विस्तार गरी एक सय शय्या पुर्‍याउन प्रदेश सरकार लागेको र ‘बी ग्रेड’ एम्बुलेन्स यसै महिनाभित्र उपलब्ध गराउने उहाँले बताउनुभयो ।

सिन्धुली अस्पतालको मातहतमा रहने गरी कमलामाई नगरपालिका शिवनगरमा पीसीआर मेसिन जडान गरी ल्याब स्थापना गरिएको हो । अस्पताल विकास समितिका अध्यक्ष प्रल्हादकुमार पोख्रेलले प्रदेश सरकारको झण्डै एक करोड २५ लाख लागत र सिन्धुली अस्पतालको १५ लाख रुपैयाँ बराबरको व्यवस्थापन खर्चमा ल्याब सञ्चालनमा ल्याइएको बताउनुभयो ।

पीसीआर मेसिन जडानसँगै तीन जना प्राविधिक टोलीले परीक्षणका लागि २० जनाको स्वाब नमुना जाँच गर्दा सफल भएको उहाँले जानकारी दिनुभयो ।

अन्तिम अपडेट: मंसिर १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

बाबुराम देवकोटा

बाबुराम देवकोटा सिन्धुलीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्