चीनको हिमाली तथा पहाडी क्षेत्रमा विद्यार्थीको गुणस्तरमा सुधार

मंसिर ९, २०७७ मंगलबार ७:१:३१ | उज्यालो सहकर्मी

काठमाण्डाै - चीनको हिमाली तथा पहाडी क्षेत्रमा बसोबास गर्ने विद्यार्थीको गुणस्तरमा सुधार हुँदै गएको पाइएको छ ।

शिक्षामा ग्रामिण नागरिकको पहुँचलाई बढाउने योजनाअन्तर्गत फरक-फरक ठाउँमा फरक-फरक योजना ल्याएर कार्यक्रम कार्यान्वयन गरिएको छ । यसले पिछडिएका क्षेत्रमा पनि शिक्षाको गुणस्तर सुधारमा सहयोग पुगेको चीन सरकारको भनाइ छ । विशेषगरी प्राथमिक तहका विद्यार्थीको गुणस्तरमा उल्लेख्य सुधार भएको छ ।

स्थानीय सरकारले विद्यार्थी केन्द्रीत योजना र कार्यक्रम लागू गरेपछि गुणस्तरमा सुधार हुँदै गएको हो । हिमाली क्षेत्रका विद्यार्थीलाई विद्यालयमा नै तयार गरी खाना खुवाउने गरिएको छ । यसका कारण चिसोबाट हुने स्वास्थ्य समस्यामा समेत कमी आएको छ ।

पछिल्लो समय घरबाट बोकेर ल्याएको चिसो खाजा र खाना खानुपर्ने बाध्यता हट्दै गएको हुवाङ्नी गाउँमा रहेको विद्यालयका प्रध्यानाध्यापक झाङ झाङलियाङले बताउनुभएको छ । ग्रामिण क्षेत्रका ६८ दशमलव ७ प्रतिशत विद्यालयमा इन्टरनेटको पहुँच विस्तार भएको चीन सरकारको दाबी छ ।

गाउँमा नै बसेर विद्यार्थीहरूले सहरमा हुने लोककला, नाच, कम्प्युटर शिक्षा लगायतका सीप आर्जन गर्न पाएका समाचार संस्था सिन्ह्वाले जनाएको छ । चीन सरकारले पछिल्लो समय गरिबी निवारण तथा नागरिकको शैक्षिक गुणस्तरमा सहयोग गरेको छ ।

कोरोना सङ्क्रमण जोखिमका कारण त्यहाँका प्राथमिक विद्यालयमा हरेक दिन विद्यालयका कोठा र परिसरलाई सङ्क्रमणमुक्त गरी पढाउने गरिएको छ ।

अन्तिम अपडेट: कात्तिक २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्