विश्वकप उपाधि उचालेको ४० दिनपछि लोरिसको हातमा प्रहरीको हतकडी

भदौ २७, २०७५ बुधबार १९:४६:९ | एजेन्सी

विश्वकप विजेता टोली फ्रान्सका कप्तान ह्युगो लोरिसले सीमाभन्दा बढी रक्सी पिएर गाडी चलाएको प्रहरीसमक्ष स्वीकार गरेका छन् ।

गएको अगस्ट २४ मा टोटेनह्याम र फ्रान्सका गोलरक्षक लोरिसलाई ग्लाउसेस्टरको चेक प्वाइन्टमा प्रहरीले रक्सी खाएर गाडी चलाएको अवस्थामा समातेको थियो ।

३१ वर्षीय लोरिसलाई वेस्टमिनिस्टर म्याजिस्ट्रेक कोर्टले दोषी ठहर गर्दै ५० हजार पाउण्ड जरिवाना तथा २० महिना गाडी चलाउन प्रतिबन्ध लगाएको छ ।

प्रहरीले अदालतलाई दिए बयान अनुसार लोरिसको स्वास्थ्य जाँच गर्दा प्रति ८० माइक्रोग्रामभन्दा बढी अल्कोहोलको मात्रा भेटिएको थियो । इंग्ल्याण्ड र वेल्समा ३५ माइक्रोग्राम सम्मको अल्कोहल सेवनलाई कानुनी मान्यता प्रदान गरिएको छ ।

गएको जुलाई १५ मा ह्युगो लोरिस विश्वकै सर्वाधिक चर्चित खेलाडीका रुपमा थिए । नहुन् पनि कसरी, उनकै कप्तानीमा फ्रान्सले विश्वकपको उपाधि उचालेको थियो ।

तर विश्वकप उपाधि उचालेका तीनै हातमा ४० दिनपछि भने प्रहरीको हतकडी लगाइयो । त्यतिमात्रै होइन, रक्सी पिएर गाडी चलाएको आरोपमा एक रात लोरिसले प्रहरी चौकीमै बिताउनुपर्यो ।

ह्युगो लोरिस सन् २०१२ देखि टोटेनह्यामबाट खेल्दै आएका छन् ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्