‘केपी ओलीको चुनाव चिह्न त्रिशूल हुन्छ’ भन्दै मजाक गर्नेको हालत पल्टिने छ : ओली

चैत १९, २०७८ शनिबार १६:१४:४३ | उज्यालो सहकर्मी

खोटाङ – नेकपा एमालेका अध्यक्ष केपी शर्मा ओलीले ‘केपी ओलीको चुनाव चिह्न त्रिशूल हुन्छ’ भन्दै मजाक गर्ने नेताको हालत पल्टिने बताउनुभएको छ ।

खोटाङको दिक्तेलमा आज शनिवार आयोजना गरिएको जनसभालाई सम्बोधन गर्ने क्रममा हलेसी महादेवस्थान ओर्लिनुभएका अध्यक्ष ओलीले त्यही ठाउँमा आयोजित पत्रकार सम्मेलनमा सूर्य र त्रिशूल जोडिएपछि मजाक उडाउने नेताको हालत पल्टिने बताउनुभएको हो ।

एमाले छाडेर गएका नेताले ‘केपी ओलीको चुनाव चिह्न त्रिशूल हुन्छ’ भन्दै मजाक उडाएको उल्लेख गर्दै ओलीले आफूले नभइ उनीहरूलाई शिवजीले त्रिशूल हान्ने उल्लेख गर्नुभयो । पार्टीका उपाध्यक्ष रामबहादुरसहित खोटाङ आउनुभएका अध्यक्ष ओलीले पवित्र हलेसीमा अपवित्र गठबन्धनको बारेमा कुनै टिकाटिप्पणी नगर्ने भन्दै त्यसबारेमा बोल्न चाहनु भएन ।

अध्यक्ष ओलीले पत्नी राधिका शाक्यसहित हलेसीमा दर्शन गर्नुभएकाे छ । ओलीले हलेसीमा दुई लाख रुपैयाँ भेटी चढाएको घोषणा पनि गर्नुभएकाे छ । उहाँले हलेसीको धार्मिक महत्त्व, ऐतिहासिकता र पौराणिकताका बारेमा पनि चर्चा गर्नुभयाे ।

हलेसीमा दर्शन र पत्रकार सम्मेलनपछि अध्यक्ष ओली दिक्तेलमा आयोजना गरिएको जनसभालाई सम्बोधन गर्न माटिकोरे खेल मैदान पुग्नुभएकाे छ । जनसभाका लागि हजारौँ कार्यकर्ता उपस्थित गराएकाे एमालेले दाबी गरेको छ ।

अन्तिम अपडेट: पुस २७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्