एमसीसी पास हुनु नेपालका लागि ऐतिहासिक र महत्त्वपूर्ण काम हाे : मन्त्री खाण

वैशाख १४, २०७९ बुधबार १६:५८:५८ | उज्यालो सहकर्मी

काठमाण्डाै – गृहमन्त्री बालकृष्ण खाणले अमेरिकी सहायता एमसीसी नेपालकै प्रस्तावमा आएको दाबी गर्नुभएको छ । आज बुधवार नेपाल तरुण दलले आयोजना गरेको भेलालाई सम्बोधन गर्दै उहाँले यस्ताे बताउनुभएको हो ।

गृहमन्त्री खाणले एमसीसी प्रस्ताव पास हुनु नेपालका लागि ज्यादै ऐतिहासिक र महत्त्वपूर्ण कार्य भएको उल्लेख गर्दै यस परियोजनाले नेपालमा गरिबी निवारण र रोजगारी अभिवृद्धिका लागि ठूलाे सहयोग पुग्ने विश्वास व्यक्त गर्नुभयो । उहाँले कतिपयले एमसीसी पास गरेपछि अमेरिकाबाट सेना र बम–बारुद आउँछ भन्ने भ्रम छरिरहेको उल्लेख गर्दै बिजुलीको तारबाट बम–बारुद र सेना नआउने जिकिर गर्नुभयो ।

गृहमन्त्री खाणले पूर्ववर्ती सरकारले झन्डै चार वर्षसम्म एमसीसी परियोजनालाई अनिर्णयको बन्दी बनाएर नेपालको भौतिक विकासमा अवरोध सिर्जना गरेको आरोपसमेत लगाउनुभयो । उहाँले भन्नुभयाे, ‘यो परियोजनाले नेपालको जलविद्युतको विकासका लागि धेरै ठूलो आयाम स्थापित गर्छ । यो ऋण हुँदै होइन, अनुदान हो । नेपालका लागि सहयोग हो । संयुक्त राष्ट्र सङ्घमा उठेको बहसलाई सम्बोधन गर्ने क्रममा यो सहयाेग प्रदान गरिएको हो ।’

गृहमन्त्री खाणले अहिले नेपालमा अर्थतन्त्रको समस्या रहेको बताउनुभयो । उहाँले अर्थतन्त्रलाई उकास्न पेट्रोलियम पदार्थको आयात कम गरी विद्युतीय साधनमा जोड दिनुपर्ने बताउनुभयो । गृहमन्त्री खाणले नेपालको अर्थतन्त्रलाई उकास्न र पेट्रोलियम पदार्थको आयातलाई कम गर्न एमसीसी कोशेढुङ्गा साबित हुने दाबी गर्नुभयो ।

अन्तिम अपडेट: माघ १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्