संसदमा पेट्राेलियम पदार्थकाे मूल्यवृद्धिकाे चर्चा : ‘भाेट पाएपछि सरकारले जनतालाई चाेट दियाे’

जेठ ९, २०७९ सोमबार १६:५३:३९ | उज्यालो सहकर्मी

काठमाण्डाै – राष्ट्रिय सभा सदस्य भैरवसुन्दर श्रेष्ठले सरकारले पेट्रोलियम पदार्थको मूल्य बढाएर सरकार हुनुको अनुभूति दिलाउन नसकेको बताउनुभएकाे छ । आज साेमवार राष्ट्रिय सभाको विशेष समयमा बोल्दै उहाँले पेट्राेलियम पदार्थकाे मूल्य बढाएर सरकारले जनताको ढाड सेकाएको र जनताप्रति उत्तरदायी नभएको उहाँले बताउनुभयो ।

मूल्यवृद्धिका कारण सबै क्षेमा असर पुगेको राष्ट्रिय सभा सदस्य श्रेष्ठकाे भनाइ छ । उहाँले भन्नुभयो, ‘अहिले पेट्रोलियम पद्धार्थको मूल्यवृद्धि हेर्दा लाग्छ देशमा सरकार छ वा छैन ? विगत सात महिनाको अवधिमा पेट्रोलियम पदार्थको मूल्य बढेकाे बढ्यै छ । छिमेकी देश भारतले पेट्रोलियम पदार्थमा मूल्यवृद्धि हुँदा करकाे दायरालाई कम गरेर जनतालाई प्रत्यक्ष राहत दिएको छ । हाम्रो त सरकार सुतेको हो कि, बिउँझेकाे हाे कि, छ कि छैन भन्ने अनुभूति हामी सबैले पाइरहेका छौँ ।’

विशेष समयमा बाेल्दै अर्का सदस्य मायाप्रसाद शर्माले पेट्रोलियम पदार्थको मूल्य घटाउन सरकारलाई अनुरोध गर्नुभयो । मूल्यवृद्धिका कारण सरकारप्रति नकारात्मक धारणा बनेको उहाँले उल्लेख गर्नुभयो ।

राष्ट्रिय सभा सदस्य भगवती न्यौपानेले जनताको भोट पाएपछि सरकारले पेट्रोलियम पदार्थकाे मूल्यवृद्धि गराएर जनतालाई चोट दिएको टिप्पणी गर्नुभयो । उहाँले पेट्रोलियम पदार्थमा गरिएको मूल्यवृद्धि फिर्ताको माग गर्नुभयो ।

न्याैपानले देशको अर्थतन्त्र टाट पल्टिने अवस्थामा पुगेको उल्लेख गर्दै अर्थमन्त्रीमाथि विभिन्न प्रश्न उठेको बताउनुभयो । सत्तारूढ गठबन्धन देशको समस्या समाधान गर्नका लागि नभइ अर्थतन्त्रलाई ध्वंश गराउनका लागि भएको उहाँको आराेप छ ।

अन्तिम अपडेट: पुस २५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्