एक खेलअघि नै पाकिस्तानले जित्याे वेस्ट इन्डिजसँगकाे एकदिवसीय शृङ्खला

जेठ २८, २०७९ शनिबार ८:१६:१८ | उज्यालो सहकर्मी

काठमाण्डाै – वेस्ट इन्डिजसँगको एकदिवसीय शृङ्खला घरेलु टोली पाकिस्तानले जितेको छ । मुल्तान क्रिकेट मैदानमा गएराति भएको दोस्रो एकदिवसीयमा वेस्टइन्डिजलाई एक सय २० रनले हराउँदै पाकिस्तानले एक खेलअघि नै शृङ्खला जितेको हो ।

टस जितेर पहिला ब्याटिङ गरेकाे पाकिस्तानले निर्धारित ५० ओभरमा आठ विकेट गुमाएर २ सय ७५ रन बनाएको थियो । उसका बाबर आजमले सर्वाधिक ७७ रन बनाएर । इमाम उल हक ७२ रनमा आउट भए । वेस्टइन्डिजका अकिल हुसैनले तीन, एन्डरसन फिलिप र अल्जारी जोशेफले दुई/दुई विकेट लिए ।

जितका लागि दुई सय ७६ रनको लक्ष्य पछ्याएको वेस्टइन्डिज ३२ ओभर दुई बलमा एक सय ५५ रनमा अलआउट भयो । वेस्टइन्डिजका शम्राह ब्रुक्सले सर्वाधिक ४६ रन बनाए । पाकिस्तानका मोहम्मद नवाजले चार विकेट लिए । त्यस्तै मोहम्मद वासिम जुनियरले तीन, सादब खानले दुई र शाहिन अफ्रिदीले एक विकेट लिए ।

पाकिस्तानले पहिलो एकदिवसीयमा वेस्टइन्डिजलाई पाँच विकेटले हराएको थियो । तेस्रो तथा अन्तिम एकदिवसीय खेल भोलि आइतवार हुनेछ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

एक खेलअघि नै पाकिस्तानले जित्याे वेस्ट इन्डिजसँगकाे एकदिवसीय शृङ्खला

तस्बिर : पाकिस्तान क्रिकेट

तपाईको प्रतिक्रिया