रुसले ग्यास कटौती गरेपछि युरोपेली देश समस्यामा, प्रयाेग घटाउने ईयूकाे निर्णय

साउन १०, २०७९ मंगलबार २०:२३:१६ | एजेन्सी

रुसले ग्यास कटौती गरेपछि युरोपका देश समस्यामा पर्न थालेका छन् । रुसको मुख्य ग्यास निर्यात कम्पनी गाजप्रोमले सबैभन्दा ठूलो पाइपलाइन नर्ड स्ट्रिम १ बाट हुने निर्यातमा व्यापक कटौती गरेपछि युरोपका देश समस्यामा परेका हुन् ।

आउँदो जाडोयामका लागि युरोपका धेरै देशले ग्यास भण्डारणलाई पूर्ण क्षमतामा भर्न चाहेका छन् तर रुसले निर्यात रोक्दा समस्यामा परेको बीबीसीले जनाएको छ । गएको वर्ष युरोपमा खपत भएको ग्यासको ४० प्रतिशत माग रुसले धानेको थियो । रुसले युक्रेनमा आक्रमण गरेको विरोधमा युरोपेली सङ्घ (ईयू) ले उसलाई कडा प्रतिबन्ध लगाएकाे छ । प्रतिबन्धको बदलामा रुसले ग्यास निर्यातमा कटौती गरेको छ । मागअनुसारको ग्यास उपलब्ध नभएपछि युरोपमा मूल्य बढेको छ ।

यसैबीच रुसले ग्यासमा राजनीति गरिरहेको भन्दै युरोपेली सङ्घका ऊर्जामन्त्रीहरूले प्रयोग घटाउने सहमति गरेका छन् । आज भएको वार्तापछि युरोपका ऊर्जामन्त्रीहरूले यही अगस्टदेखि आउँदो मार्च महिनासम्म ग्यासको प्रयोगमा १५ प्रतिशतले कमी ल्याउने सहमति गरेका छन् ।

जाडोयाममा ग्यासको प्रयोग घटाउने विषय चुनौतीपूर्ण भए पनि असम्भव नरहेको युरोपेली सङ्घका ऊर्जामन्त्रीहरूले जनाएका छन् । तर ग्यास पाइपलाइनको सञ्जालमा नरहेका र वैकल्पिक ऊर्जाको सम्भावना कम रहेका देशलाई भने प्रयोग घटाउन बाध्य नपारिने खबरमा उल्लेख छ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

रुसले ग्यास कटौती गरेपछि युरोपेली देश समस्यामा, प्रयाेग घटाउने ईयूकाे निर्णय

तस्बिर : एजेन्सी, फाइल फाेटाे

तपाईको प्रतिक्रिया