बलात्कृत हुनबाट जोगिइन् किशोरी

असोज ९, २०७५ मंगलबार १६:१:५९ | गोविन्द शर्मा

बाँके – बाँकेको खजुरा गाउँपालिकामा एक १४ वर्षीया किशोरी बलात्कार हुनबाट जोगिएकी छन् ।

आइतबार साँझ रुँदै चिच्चाउँदै गरेपछि स्थानीय बासिन्दाको सहयोगमा प्रहरीले किशोरीको उद्धार गर्न सफल भएको हो । बाँकेको खजूरा गाउँपालिका –२, गौघाटबाट एकजना १४ वर्षीया किशोरी काकीसँग खजूरा गाउँपालिका– ५, उढरापुर फर्कँदै थिइन् ।

बीच बाटोमा साइकलमा आउँदै गरेका व्यक्तिले काकीको अनुरोधमा बालिकालाई घर पुर्‍याइदिने भन्दै साइकलमा बसाएर ल्याए । तर उढापुरका ६५ वर्षीय साकिर अली दर्जीले सिधा बाटोबाट घर पुर्‍याउनुको साटो बर्दियासँग सीमा जोडिएको मानखोलाको जङ्गली बाटोतर्फ लिएर गए । त्यसै क्रममा किशोरी रुँदै कराउँदै गरेपछि नजिकैका स्थानीयले उनको आवाज सुनेर खबर गरेपछि तत्काल प्रहरी टोली परिचालन गरिएको इलाका प्रहरी कार्यालय धनौलीका प्रहरी निरीक्षक मख्खनप्रसाद यादवले जानकारी दिनुभयो ।

यादवले घटनास्थलबाटै पक्राउ गरिएका दर्जीलाई बाल यौन दुराचार मुद्धामा कारबाही प्रक्रिया अघि बढाइएको जानकारी दिनुभयो ।

बाँकेमा पछिल्लो समय बलात्कारका एकपछि अर्को घटना भइरहँदा खजूरामा एकजना किशोरीमाथी बलात्कारको प्रयास भएको सार्वजनिक भएको हो ।

कोहलपुरमा हजुरबुवाले १३ वर्षीया नातिनीलाई र नातेदारले ६ वर्षीया बालिकालाई बलात्कार गरेको घटनामा दुवै जना पक्राउ भई मुद्दा चलिरहेको छ । यसैगरी नेपालगञ्जमा आफू साइबाबा भएको दावी गर्ने व्यक्ति बलात्कारको आरोपमा पक्राउ परेका छन् ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोविन्द शर्मा

गोविन्द शर्मा बाँकेका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्