माओवादी विद्रोह : १५ वर्षपछि तत्कालीन एमाले नेता डांगीको सांकेतिक अन्त्येष्टि

असोज १३, २०७५ शनिबार १६:५३:१६ | गोविन्द शर्मा

बाँके – सशस्त्र द्वन्दकालमा बेपत्ता भएका परिवारका घरमुली फर्केर आउने आशा मारेर बाँकेमा एक परिवारले कुशको प्रतिमा बनाएर अन्त्येष्टि गरेका छन् ।

१५ वर्षअघि तत्कालीन विद्रोही माओवादीले अपहरण गरेका राप्ती सोनारी गाउँपालिका २ अगैयाका लालबहादुर डांगीको परिवारले शुक्रबार राप्ती नदीको अगैयाघाटमा अन्त्येष्टि गरेका हुन् ।

तत्कालीन नेकपा एमालेका स्थानीय अगुवा कार्यकर्ता रहेका डांगीलाई २०६० साल असोज २ गते राति १ बजे तत्कालीन विद्रोही माओवादीले घरबाटै अपहरण गरेर लगेको परिवारले बताएका छन् ।

बुवाको अपहरण हुनासाथ वर्षौसम्म खोजी गरेको बताउँदै छोरा प्रेम प्रकाशले १५ वर्षको अवधीमा परिवारमा मानिसक तनावले सबै सदस्य प्रभावित भएको बताउनुभयो ।

लालबहादुरकी पत्नी र दुई छोरा क्रियामा बसेका छन् । हिन्दु धर्म अनुसार १३ दिनसम्म धार्मिक क्रिया गरिने डांगी परिवारले जनाएको छ ।

डांगी परिवारले सरकारले निर्णय गरे अनुसारको सम्पूर्ण राहत रकम प्राप्त गरेको बताएका छन् । राप्ती सोनारी गाउँपालिका वडा नम्बर २ का अध्यक्ष मदन वलीले डांगीको अन्त्येष्टिमा गाउँका अधिकांश मलामीको रुपमा सहभागी भएको बताउनुभयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोविन्द शर्मा

गोविन्द शर्मा बाँकेका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्