पोहोर ८८ अर्बले घाटामा रहेको शोधानान्तर स्थिति अहिले १२ अर्ब रुपैयाँ नाफामा, वैदेशिक लगानी घट्यो

कात्तिक ३०, २०७९ बुधबार १५:३२:० | उज्यालो सहकर्मी

काठमाण्डाै – चालु आर्थिक वर्षको साउनदेखि असोजसम्मको तीन महिनामा नेपालको चालु खाता ३४ अर्ब २८ करोड रुपैयाँले घाटामा रहेको छ । अघिल्लो वर्षको तीन महिनामा चालु खाता एक खर्ब ४९ अर्ब ८१ करोड रुपैयाँले घाटामा रहेको थियो ।

अमेरिकी डलरमा अघिल्लो वर्षको तीन महिनामा एक अर्ब २६ करोडले घाटामा रहेको चालु खाता यो वर्षको तीन महिनामा २७ करोडले घाटामा रहेको छ । तीन महिनामा पुँजीगत ट्रान्सफर ३४ दशमलव आठ प्रतिशतले वृद्धि भइ दुई अर्ब ५९ करोड कायम भएको छ भने खुद प्रत्यक्ष वैदेशिक लगानी आठ करोड रुपैयाँ प्राप्त भएको राष्ट्र बैंकले जनाएको छ । अघिल्लो वर्षको तीन महिनामा खुद प्रत्यक्ष वैदेशिक लगानी पाँच अर्ब सात करोड रुपैयाँ रहेको थियो ।

यस्तै तीन महिनामा शोधानान्तर स्थिति १२ अर्ब ४३ करोड रुपैयाँले बचतमा रहेको छ । अघिल्लो वर्षको तीन महिनामा शोधनान्तर स्थिति ८७ अर्ब ७१ करोडले घाटामा रहेको थियो । अमेरिकी डलरमा अघिल्लो वर्षको ७४ करोड १२ लाखले घाटामा रहेको शोधनान्तर स्थिति यो वर्ष नाै करोड १८ लाखले बचतमा रहेको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्