रेसुङ्गा नगरपालिकाले अव्यवस्थित सडक पेटी हटाउन सुरु गर्‍याे

वैशाख ७, २०८० बिहीबार १९:८:४ | जनार्दन घिमिरे

गुल्मी – गुल्मीकाे रेसुङ्गा नगरपालिकाले तम्घास बजार क्षेत्रमा अव्यवस्थित रूपमा बनाइएका सडक पेटी हटाउन सुरु गरेको छ । नगरपालिकाले सदरमुकाम तम्घास बजार क्षेत्रमा कालोपत्र गर्नका लागि बिहीवारदेखि डोजर प्रयोग गरी सडक मिचेर बनाइएका अव्यवस्थित पेटीलगायतका संरचना हटाउन सुरु गरेको हो ।

नगरपालिकाले केही दिनअघि बजारमा कालोपत्र गर्नका लागि सडक छेउछाउका घरधनीलाई अव्यवस्थित रूपमा बनाइएका सडक पेटी आफैँ हटाउन भनी सार्वजनिक रूपमा 'रेडमार्क' लगाएको थियो । नगरपालिकाले तोकेको समयमा सम्बन्धित घरधनीले अटेर गरेपछि नगरपालिका आफैँले बाध्य भएर डोजर चलाएर अव्यवस्थित सडक पेटी हटाउन सुरु गरेकाे रेसुङ्गाका मेयर खिलध्वज पन्थीले बताउनुभयो ।

नगरपालिकाले अव्यवस्थित सडक पेटी हटाउन थालेपछि कतिपय घरधनीले आफैँ त्यस्ता संरचना भत्काउन सुरु गरेका छन् । बजार क्षेत्रमा साँघुरो सडक र त्यही सडक मिचेर पेटी तथा नाली बनाएपछि हिँडडुल गर्न अप्ठेराे भएकाे थियाे ।

नगरपालिकाले बजार क्षेत्रमा कालोपत्र गर्नका लागि अहिलेलाई ३० फिटको सडक मापदण्ड कायम गरेको मेयर पन्थीले बताउनुभयो । नगरपालिकाले बजार क्षेत्रमा अव्यवस्थित रूपमा रहेका बिजुली, केबल र इन्टरनेटका पोल तथा तारसमेत हटाउन थालेकाे छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।